ۇكىمەتتە ازىق-تۇلىك تاۋارلارىنىڭ باعاسىن تۇراقتاندىرۋ ماسەلەسى قارالدى

نۇر-سۇلتان. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ ا م ءا ت باعاسى جانە ازىق-تۇلىك قاۋىپسىزدىگى ماسەلەسى بويىنشا كەڭەس وتكىزدى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

جيىن ق ر پرەزيدەنتى قاسىم-جومارت كەمەل ۇلى توقايەۆ جىل باسىندا بەرگەن تاپسىرمالاردى ىسكە اسىرۋ اياسىندا ءوتتى.

الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ، ازىق-تۇلىك قاۋىپسىزدىگى جانە مونوپولياعا قارسى ارەكەت ەتۋ ماسەلەلەرى قارالدى.

وتكەن اپتادا الەۋمەتتىك ماڭىزى بار ازىق-تۇلىك تاۋارلارىنىڭ باعاسى %0,2 عا ءوستى. ونىڭ ىشىندە قىرىققابات %1,6 عا، قانت %0,6 عا جانە كارتوپ %0,5- عا قىمباتتاعان.

وڭىرلەر اراسىندا ءبىر اپتا ىشىندە باعانىڭ ەڭ جوعارى ءوسۋى ماڭعىستاۋ وبلىسىندا تىركەلدى، وندا باعا %0,8 عا، قوستاناي جانە قىزىلوردا وبلىستارىندا %0,4 عا كوتەرىلگەنى بايقالدى.

پرەمەر-ءمينيستردىڭ ورىنباسارى اتالعان وڭىرلەردەگى اكىمدىكتەردىڭ جۇمىسىن سىنعا الىپ، ازىق-تۇلىكتىڭ ءاربىر اتاۋى بويىنشا باعانى باقىلاۋدى كۇشەيتۋدى تاپسىردى.

سونداي-اق، ساۋدا سۋبەكتىلەرىنىڭ رۇقسات ەتىلگەن ساۋدا ۇستەمەسىن ساقتاۋىن باقىلاۋ بويىنشا تۇراقتى نەگىزدە جۇمىس جۇرگىزۋدى تاپسىردى. كەڭەس بارىسىندا باسەكەلەستىكتى قورعاۋ جانە دامىتۋ اگەنتتىگى قوستاناي، قاراعاندى، اقمولا، پاۆلودار، سولتۇستىك قازاقستان وبلىستارىندا باسەكەلەستىككە قارسى كەلىسىلگەن ارەكەتپەن ا م ءا ت باعاسىن كوتەرۋ بويىنشا جانە ماڭعىستاۋ، الماتى وبلىستارىندا تىڭايتقىش وندىرۋگە قاتىستى جۇمىس جالعاسىپ جاتقانىن حابارلادى. سونىمەن قاتار اقمولا وبلىسىندا نان وندىرۋشىگە جانە جامبىل وبلىسىندا قانت زاۋىتىنا قاتىستى 2 تەرگەۋ اياقتالدى.

بۇعان دەيىن جاسالعان 8 حابارلاماعا سايكەس ءونىم باعاسى (قوستاناي وبلىسىندا - 5 جانە س ق و - 3) تومەندەتىلدى. باسەكەلەستىكتى قورعاۋ سالاسىنداعى زاڭنامانى بۇزۋعا جول بەرمەۋ جونىندەگى مونوپولياعا قارسى كومپلاەنستىڭ 7 اكتىسى جاسالدى. ا م ءا ت ساۋدا ۇستەمەسىن 15 تەن %10 عا دەيىن تومەندەتىلدى.

سونىمەن قاتار باقىت سۇلتانوۆ ءتيىستى شارالار قابىلداي وتىرىپ، باعا بەلگىلەۋدىڭ بارلىق تىزبەگى بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيالاردىڭ جۇمىسىن كۇشەيتۋدى تاپسىردى.

تۇركىستان وبلىسىنىڭ اكىمدىگىنە س ي م جانە ا ش م- مەن بىرلەسىپ، وڭىرلەرگە ەرتە پىسەتىن كوكونىستەردى، سونىڭ ىشىندە قىرىققاباتتى جەتكىزۋدى تاپسىردى.

ايتا كەتەيىك، تۇركىستان وبلىسىنىڭ 1200 دەن استام تاۋار وندىرۋشىلەرى قىرىققابات، كارتوپ، ءسابىز جانە پيازدان ءونىم بەرۋدى جوسپارلاپ وتىر.