ءماجىلىستىڭ تاعى ءبىر دەپۋتاتىنىڭ وكىلەتتىگى مەرزىمىنەن بۇرىن توقتاتىلدى
ايتا كەتەيىك، وسى كۇندەرى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ، سونداي-اق و س ك مۇشەلەرى ءسابيلا مۇستافينا جانە شاۆحات وتەمىسوۆ اقمولا وبلىسىندا ساپارمەن ءجۇر.
ۆەدومستۆو وتىرىسىندا قر پارلامەنتى ءماجىلىسىنىڭ دەپۋتاتى ۆلاديمير توحتاسۋنوۆتىڭ وكىلەتتىگىن توقتاتۋ تۋرالى قاۋلى قابىلداندى.
«كونستيتۋتسيانىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 24-بابى 3 جانە 8-تارماقتارىنا سايكەس ورتالىق سايلاۋ كوميسسياسى پارلامەنت ءماجىلىسىنىڭ دەپۋتاتى ۆ. ي. توحتاسۋنوۆتىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋعا اكەلەتىن نەگىز تۋىندادى دەپ قاۋلى ەتتى.
دەپۋتات ۆ. ي. توحتاسۋنوۆتىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىم قازاقستان رەسپۋبليكاسى پارلامەنتىنىڭ ماجىلىسىنە ەنگىزىلدى»، - دەلىنگەن ق ر و س ك سايتىندا.
