ەلباسى تۇركيا پرەزيدەنتى رەجەپ تايپ ەردوعانمەن كەزدەستى
مەملەكەتتەر مەن ۇكىمەتتەر باسشىلارى، ساياساتكەرلەر، ديپلوماتتار، بيزنەس كوشباسشىلارى، عالىمدار مەن ساراپشىلار قاتىسقان جيىندا كەڭ اۋقىمدى ماسەلەلەر، سونىڭ ىشىندە «ديپلوماتيانى قايتا قۇرۋ» دەگەن جالپىعا ورتاق تاقىرىپ تالقىلاندى، دەپ حابارلايدى ەلباسىنىڭ باسپا ءسوز قىزمەتى.
قازاقستاننىڭ تۇڭعىش پرەزيدەنتى ديپلوماتيالىق فورۋم اياسىندا رەجەپ تايپ ەردوعانمەن كەلىسسوز جۇرگىزدى.
ەلباسى تۇركيا رەسپۋبليكاسىنىڭ پرەزيدەنتىنە حالىقارالىق فورۋمعا قاتىسۋعا شاقىرعانى ءۇشىن ريزاشىلىعىن ءبىلدىرىپ، قازىرگى جاھاندىق گەوساياسي وزگەرىستەر كەزىندە بۇل جيىننىڭ ماڭىزى ەرەكشە ەكەنىنە توقتالدى.
رەجەپ تايپ ەردوعان قازاقستان مەن تۇركيا اراسىندا قارىم-قاتىناستىڭ قالىپتاسۋى مەن دامۋىنا نۇرسۇلتان نازاربايەۆ قوماقتى ۇلەس قوسقانىن اتاپ ءوتتى. سونداي-اق تۇركيا پرەزيدەنتى تۇركى الەمى ەلدەرىنىڭ ينتەگراتسيالىق پروتسەسىن كەڭەيتۋ ءارى تەرەڭدەتۋ ىسىندەگى قازاقستاننىڭ تۇڭعىش پرەزيدەنتىنىڭ قىزمەتىنە جوعارى باعا بەردى.
كەزدەسۋدە تاراپتار كۇن تارتىبىندەگى ەڭ وزەكتى حالىقارالىق ماسەلەلەر بويىنشا پىكىر الىستى.
ولار ۋكرايناداعى اسكەري قاقتىعىستى ديپلوماتيا جانە مەملەكەتارالىق ديالوگتى قالپىنا كەلتىرۋ ارقىلى شەشۋ باعىتىندا كۇش-جىگەر جۇمساۋدىڭ ماڭىزدى ەكەنىن ايتتى.
