ق ر ۇلتتىق بانكى ايىرباستاۋ پۋنكتتەرىندەگى جاعدايعا تۇسىنىك بەردى

نۇر-سۇلتان. قازاقپارات - قازاقستان ۇلتتىق بانكى ايىرباستاۋ پۋنكتتەرى مەن ەكىنشى دەڭگەيلى بانكتەردە قولما-قول اقشالاردى ساتۋعا نەمەسە بەرۋگە قويىلاتىن شەكتەۋلەرگە قاتىستى وتىنىشتەردىڭ وسۋىنە بايلانىستى قازاقستان رەسپۋبليكاسىندا شەتەل ۆاليۋتاسىنداعى وپەراتسيالارمەن شەكتەۋلەر تۋرالى قاۋلىلار نەمەسە وزگە دە زاڭعا تاۋەلدى اكتىلەر قابىلداماعانىن حابارلادى، دەپ حابارلايدى قازاقپارات بانكتىڭ باسپا ءسوز قىزمەتىنە سىلتەمە جاساپ.

«قولما-قول شەتەل ۆاليۋتاسىن بەرۋدە تۋىنداعان قيىندىقتار، ءبىرىنشى كەزەكتە، حالىق تاراپىنان سۇرانىستىڭ ارتۋىمەن، سونداي-اق شيەلەنىسكەن گەوساياسي جاعداي اياسىندا قازاقستانعا باسقا ەلدەردەن قولما-قول شەتەل ۆاليۋتاسىن جەتكىزۋدەگى لوگيستيكالىق قيىندىقتارمەن بايلانىستى. وسى جاعدايدى ەسكەرە وتىرىپ، ۇلتتىق بانك فەدەرالدى رەزەرۆتىك جۇيەدەن - ا ق ش ورتالىق بانكىنەن قولما-قول شەتەل ۆاليۋتاسىنىڭ قوسىمشا كولەمىن جەتكىزۋ ماسەلەسىن بەلسەندى تۇردە پىسىقتاۋدا. سونداي-اق، دوللار تۇرىندەگى قولما-قول اقشانى ۋاقتىلى جەتكىزۋدى قامتاماسىز ەتۋ ءۇشىن كولىك كومپانيالارىمەن بارلىق قاجەتتى كەلىسىمدەر بار ەكەنىن حابارلايمىز»، - دەدى بانكتىڭ باسپا ءسوز قىزمەتى.