قازاقستاندا التىن- ۆاليۋتا اكتيۆتەرى قانشالىقتى ۇلعايدى
التىن باعاسىنىڭ وزگەرۋى جانە ەكىنشى دەڭگەيلى بانكتەردىڭ ۆاليۋتالىق قالدىقتارىنىڭ تومەندەۋى وتكەن ايداعى رەزەرۆتەر سەرپىنىنىڭ نەگىزگى فاكتورلارىنا اينالدى. گەوساياسي تاۋەكەلدەردى ىسكە اسىرۋ قىمبات مەتالعا سۇرانىستىڭ ارتۋىنا باستى سەبەپ بولدى. ينۆەستورلار بەلگىسىزدىك كەزەڭىندە قاشان دا سەنىمدى قورعانىش اكتيۆى بولىپ سانالاتىن التىنعا سەنىم ارتادى.
«اقپان ايىندا التىننىڭ باعاسى ءبىر ۋنتسيا ءۇشىن 1791 دوللاردان 1903 دوللارعا دەيىن نەمەسە % 6,3- عا ءوستى. ەڭ جوعارى اۋىتقۋ 24 - اقپانعا تۋرا كەلدى، ول كۇنى التىننىڭ باعاسى 2011 -جىلدان بەرى العاش رەت 1920 ا ق ش دوللارىن ەڭسەردى. ال ناۋرىز باسىندا التىننىڭ قۇنى ءبىر ۋنتسيا ءۇشىن 2000 ا ق ش دوللارىنان اسىپ، بيىلعى 8 - ناۋرىزداعى جاعداي بويىنشا 2070 دەڭگەيىنە جەتتى.
ەستەرىڭىزگە سالا كەتەيىك، التىن- ۆاليۋتا رەزەرۆىندە (اۆر) التىننىڭ ۇلەسى ۇشتەن ەكىدەن كوبىن قۇرايدى جانە وسى ۇلەستى تومەندەتۋ اياسىندا ۇلتتىق بانك مەتالدىڭ قولايلى باعاسى تۇرعىسىندا التىن ساتۋدى جۇزەگە اسىردى. اقپاننىڭ سوڭىنداعى جاعداي بويىنشا التىن پورتفەلى 380,2 توننانى قۇرادى»، - دەدى ءا. مولدابەكوۆا.
دەگەنمەن، التىن باعاسىنىڭ ءوسۋى مەن ونى ساتۋدىڭ وڭ اسەرى ەكىنشى دەڭگەيلى بانكتەردىڭ ۇلتتىق بانكتەگى شوتتارىنان ۆاليۋتالىق قالدىقتارىنىڭ اكەتىلۋىمەن، سونداي- اق ۆاليۋتالىق ينتەرۆەنتسيالار جۇرگىزۋمەن ءىشىنارا تەڭەستىرىلدى. سونىمەن قاتار ول ۇلتتىق قورداعى ۆاليۋتا اكتيۆتەرىنە قاتىستى تۇسىنىك بەردى.
«الدىن الا دەرەكتەر بويىنشا، اقپاننىڭ سوڭىندا ۇلتتىق قوردىڭ ۆاليۋتالىق اكتيۆتەرى وتكەن ايدا ءىس جۇزىندە وزگەرمەي، 53,9 ملرد اقش دوللارىن قۇرادى. وتكەن ايدا 264 ميلليارد تەڭگەگە كەپىلدەندىرىلگەن جانە نىسانالى ترانسفەرتتەردى ءبولۋ ماقساتىندا ۆاليۋتا نارىعىندا 510 ميلليون ا ق ش دوللارى نەمەسە 221 ميلليارد تەڭگەگە اكتيۆتەر ساتىلدى. ترانسفەرتتەردىڭ ءبىر بولىگى تەڭگەلىك شوتتاعى قالدىقتار مەن ۇلتتىق قورعا تۇسەتىن تەڭگەدەگى تۇسىمدەر ەسەبىنەن قاناعاتتاندىرىلعانىن اتاپ وتكەن ءجون. بۇل رەتتە، اقپاندا قورعا تۇسكەن ۆاليۋتالىق تۇسىمدەر 1 195 ميلليون ا ق ش دوللارىن قۇرادى»، - دەدى ءا. مولدابەكوۆا.
ونىڭ سوزىنە قاراعاندا، ۇلتتىق قوردىڭ ينۆەستيتسيالىق كىرىسى وتكەن ايدىڭ قورىتىندىسى بويىنشا تەرىس قالىپتاستى جانە (- ) 657 ميلليون اقش دوللارىن قۇرادى. اقپان ايىنىڭ قورىتىندىسى بويىنشا، دامۋشى ەلدەر پورتفەلىنىڭ ينۆەستيتسيالىق كىرىسى (- ) 353 ميلليون ا ق ش دوللارى بولىپ، % 6,10- عا تومەندەدى، اكسيالار پورتفەلىنىڭ ينۆەستيتسيالىق كىرىسى (- ) 344 ميلليون ا ق ش دوللارى بولىپ، % 2,3- عا تومەندەدى. دامۋشى ەلدەردىڭ وبليگاتسيالار پورتفەلىن تەرىس قايتا باعالاۋدىڭ نەگىزگى سەبەبى رەسەي مەن ۋكراينا اراسىنداعى قاقتىعىستىڭ شيەلەنىسۋى بولىپ وتىر. بۇل رەتتە دامىعان ەلدەردىڭ اكسيالار نارىعىنا قىسىم - ينفلياتسيانىڭ جەدەلدەۋىنە جانە ا ق ش ف ر ج مونەتارلىق ساياساتىنىڭ كۇتىلگەن كۇشەيتىلۋىنە الىپ كەلدى.
اۆتور: رۋسلان عابباسوۆ
