مەملەكەت باسشىسى ۇلتتىق گاز كومپانياسىنىڭ باسقارما ءتوراعاسىن قابىلدادى
پرەزيدەنت قاسىم-جومارت توقايەۆقا ۇلتتىق گاز كومپانياسىنىڭ قازىرگى جۇمىسى تۋرالى جانە ىشكى نارىقتى تاۋارلى گازبەن قامتاماسىز ەتۋگە باسىمدىق بەرۋ جونىندەگى تاپسىرماسىنىڭ ورىندالۋ بارىسى باياندالدى.
سانجار جاركەشوۆ گاز سالاسىن دامىتۋدىڭ كەشەندى جوسپارىنىڭ ازىرلەنۋى جونىندە باياندادى. اتالعان جوسپار رەسۋرستىق بازانى كەڭەيتۋدى جانە ەلىمىزدەگى گاز تاسىمالداۋ ينفراقۇرىلىمىن جاڭعىرتۋدى كوزدەيدى.
مەملەكەت باسشىسىنا ساتىپ الۋ جۇيەسىنىڭ اشىقتىق دەڭگەيىن ارتتىرۋ جونىندە بەرگەن تاپسىرمالارىنىڭ ورىندالۋ بارىسى، سونداي-اق ۇلتتىق كومپانيانىڭ كادر ساياساتىنداعى وزگەرىستەر جونىندە اقپارات بەرىلدى.
كەزدەسۋدە قۇبىلمالى گەوساياسي جاعدايعا بايلانىستى تۋىندايتىن سىن-قاتەرلەردى ەڭسەرۋگە باعىتتالعان داعدارىسقا قارسى شارالار تالقىلاندى.
كەزدەسۋ قورىتىندىسى بويىنشا پرەزيدەنت ۇسىنىلعان شەشىمدەردى قولداپ، تولىق اۋديت ۇيىمداستىرۋ جانە كومپانيا قىزمەتىندەگى ترانسپارەنتتىلىكتى قامتاماسىز ەتۋ جونىندە ءبىرقاتار تاپسىرما بەردى.
