قازاقستاندا باسپانا رەكوردتىق دەڭگەيدە قىمباتتاپ كەتتى

نۇر-سۇلتان. قازاقپارات - قازاقستاندا قايتالاما تۇرعىن ءۇي رەكوردتىق دەڭگەيدە قىمباتتاپ كەتتى. بۇعان ۇلتتىق ستاتيستيكا بيۋروسىنىڭ مالىمەتتەرى دالەل، - دەپ حابارلايدى «حابار 24» تەلەارناسى.

بيۋرو مالىمەتتەرىنە سەنسەك، شارشى مەتردىڭ قۇنى بىردەن 5,5 پايىزعا وسكەن، بۇل كەيىنگى سەگىز جىلداعى ەڭ جوعارى كورسەتكىش بولدى. سونىمەن قاتار، جاڭا عيماراتتاردا ءوسىم شامالى - 0,4 پايىز.

بارىنەن بۇرىن نۇر-سۇلتانداعى قايتالاما جىلجىمايتىن مۇلىك باعاسى 10 پايىزعا جۋىق وسكەن. مۇندا ورتاشا شارشى مەترى 590 مىڭ تەڭگە تۇرادى. باعا ديناميكاسى بويىنشا اتىراۋ مەن تالدىقورعان دا انتيليدەر بولىپ وتىر. الماتىدا پاتەرلەر شامامەن، ءۇش پايىزعا قىمباتتاعان.

ءبىرىنشى نەسيە بيۋروسىنىڭ ساراپشىلارى بۇل 20-اقپانداعى دەرەكتەر دەپ حابارلايدى. ۋكرايناداعى وقيعالار مەن دوللار باعامىنىڭ ءوسۋى دەرەكتەردە ءالى كورىنىس تاپقان جوق.