دانيار قادىروۆ ق ر اقپارات جانە قوعامدىق دامۋ ۆيتسە-ءمينيسترى قىزمەتىنە تاعايىندالدى

نۇر-سۇلتان. قازاقپارات - قازاقستان رەسپۋبليكاسى ۇكىمەتىنىڭ قاۋلىسىمەن دانيار رامازان ۇلى قادىروۆ ق ر اقپارات جانە قوعامدىق دامۋ ۆيتسە-ءمينيسترى قىزمەتىنە تاعايىندالدى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

دانيار قادىروۆ 1975 -جىلى الماتى قالاسىندا دۇنيەگە كەلگەن.

ءال- فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن.

ەڭبەك جولىن 1999 -جىلى ق ر مادەنيەت مينيسترلىگىنىڭ بۇقارالىق اقپارات قۇرالدارى دەپارتامەنتىنىڭ جەتەكشى مامانى قىزمەتىنەن باستاعان.

2000-2004 -جىلدارى - ق ر مادەنيەت مينيسترلىگىنىڭ قۇرىلىمىندا ءتۇرلى لاۋازىمدار اتقارعان.

2004-2005 -جىلدارى - ق ر ب ع م جاستار ساياساتى دەپارتامەنتى ديرەكتورىنىڭ ورىنباسارى؛ جاستار جانە الەۋمەتتىك باعدارلامالار باسقارماسىنىڭ باسشىسى.

2005-2007 -جىلدارى - ستەپنوگورسك قالاسى اكىمىنىڭ ورىنباسارى. 2007 -جىلى ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ سەكتور مەڭگەرۋشىسى بولدى.

2007-2013 -جىلدارى - ق ر موڭعولياداعى ەلشىلىگىنىڭ كەڭەسشى- ۋاكىلى.

2013-2015 -جىلدارى - ق ر تۇرىكمەنستانداعى ەلشىلىگىنىڭ كەڭەسشى- ۋاكىلى.

2015-2019 -جىلدارى - «ق ر تەلەراديو حابارلارىن تاراتۋ وپەراتورلارىنىڭ قاۋىمداستىعى» ز ت ب اتقارۋشى ديرەكتورى.

2019 -جىلدان باستاپ قازىرگە دەيىن ق ر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمى مەڭگەرۋشىسىنىڭ ورىنباسارى بولدى.