13:25, 11 - ناۋرىز 2022 | GMT +6
سانكسيا: حالىقارالىق ۆاليۋتا قورى رەسەيدە دەفولت بولاتىنىن جوققا شىعارمايدى
ماسكەۋ. ت ا س س- قازاقپارات - حالىقارالىق ۆاليۋتا قورىنىڭ ديرەكتورى كريستالينا گەورگيەۆا ۋكرايناداعى جاعدايدىڭ ۋشىعۋىنا بايلانىستى ەلگە سالىنعان سانكسيالاردان رەسەي دەفولت بولۋى مۇمكىن ەكەنىن ايتتى، دەپ حابارلايدى قازاقپارات ت ا س س-قا سىلتەمە جاساپ.
«رەسەيگە ەنگىزىلگەن بۇعان دەيىن بولماعان سانكسيالار ەلدى رەتسەسسياعا ۇشىراتتى. ءبىزدىڭ بولجامعا سايكەس، بۇل رەتسەسسيا ايتارلىقتاي كۇردەلى بولادى. دەفولتقا قاتىستى ايتار بولساق، ول دا بولۋى عاجاپ ەمەس»، - دەدى گەورگيەۆا CNBC تەلەكومپانياسىنا بەرگەن سۇحباتىندا.
ح ۆ ق باسشىسى رەسەيدىڭ «دەفولتقا ۇشىراۋ تاقىرىبىن سپەكۋلياتسيا جاساعىسى كەلمەيتىنىن» اتاپ ءوتتى. ونىڭ پىكىرىنشە، بۇعان انتيرەسەيلىك سانكسيالار قانشالىقتى ۇزاق بولاتىنى، ر ف- تىڭ ءوز قارىزىن تولەۋ مۇمكىندىگى بار-جوعى ىقپال ەتەدى.
«ەكەۋى دە ازىرگە بەلگىسىز»، - دەدى ول.
ايتا كەتەيىك، دەفولت - قارىز الۋشى سۋبەكتىنىڭ موينىنا العان مىندەتتەمەسىن ورىنداي الماۋدى بىلدىرەدى. «قارجى ۇيىمى العان قارىزىن وتەي المادى، الاشاعىنان بەرەشەگى كوپ» دەگەن ماعىنا بەرەدى.
