نۇر-سۇلتاندا تۇرعىن ءۇي جاردەماقىسىنىڭ مولشەرى ءوستى
الەۋمەتتىك از قامتىلعان وتباسىلارعا قولداۋ كورسەتۋ - ءبىزدىڭ باستى مىندەتىمىز. وسى ساناتتاعى جاندارعا توقسان سايىن كوممۋنالدىق قىزمەتتەردى تولەۋ ءۇشىن تۇرعىن ءۇي جاردەماقىسى بەرىلەدى.
جىل باسىنان بەرى بۇل سومانى ەكى ەسەگە جۋىق - 10 مىڭنان 18 مىڭ تەڭگەگە دەيىن (بۇل جىلىتۋ ماۋسىمىنداعى سوما، ال باسقا ماۋسىمداردا كومەك مولشەرى تومەن) ۇلعايتتىق.
بۇل كومەك زەينەتكەرلەرگە، ەرەكشە قاجەتتىلىگى بار وتباسىلارعا، مۇگەدەك جاندارعا، تولىق ەمەس وتباسىلارعا، كوپبالالى وتباسىلارعا جانە ت. ب. بەرىلەدى.
وتىنىشتەردى قابىلداۋ جانە اتالمىش مەملەكەتتىك قىزمەت كورسەتۋ ناتيجەلەرىن بەرۋ توقسانىنا ءبىر رەت جۇزەگە اسىرىلادى. تۇرعىن ءۇي جاردەماقىسىن الۋ ءۇشىن ازامات (نەمەسە ونىڭ وكىلى) «ازاماتتارعا ارنالعان ۇكىمەت» مەملەكەتتىك كورپوراتسياسى نەمەسە ەلەكتروندىق ۇكىمەت پورتالى (www.egov.kz) ارقىلى ءوتىنىش («الەۋمەتتىك قامتاماسىز ەتۋ» - «وتباسىلارعا كومەك» - «تۇرعىن ءۇي كومەگىن تاعايىنداۋ» ءبولىمى) بەرەدى.
وسىعان دەيىن جەكە سەكتور تۇرعىندارىنا كومىردەن گازعا كوشۋى ءۇشىن بەرىلەتىن الەۋمەتتىك كومەك مولشەرىن 260 مىڭنان 400 مىڭعا دەيىن ارتتىرۋ جوسپارلانىپ وتىرعانى تۋرالى ايتقان ەدىم. بۇل باستامانى جاقىن ۋاقىتتا قالالىق ءماسليحاتتىڭ قاراۋىنا وتكىزەمىز»، - دەپ جازدى ەلوردا اكىمى.
