دارىگەر تۇندە ءجيى وياناتىن ادامدارداعى اۋرۋ تۇرلەرىن اتادى
ديەتولوگتىڭ ايتۋىنشا، تۇندە ءجيى ويانۋ ادامنىڭ پسيحولوگيالىق جاعدايىنان دا، ىشكى اعزا اۋرۋلارىنان دا تۋىنداۋى مۇمكىن. دارىگەر تۇندە ويانىپ دارەتحانا مەن توڭازىتقىشقا بارا بەرەتىن ادامدارعا دارىگەرگە كورىنۋگە جانە تەكسەرۋدەن وتۋگە كەڭەس بەردى.
پرۋدنيكوۆا اتاپ وتكەندەي، مۇنداي بەلگىلەر ۇيقى بەزىنىڭ، باۋىردىڭ جانە بۇيرەك ءۇستى بەزدەرىنىڭ بۇزىلۋىن كورسەتۋى مۇمكىن.
«ەڭ بولماعاندا قانت ديابەتىنە قارسى تەكسەرىلۋ قاجەت. سونداي-اق ۇيقى بەزى مەن باۋىردىڭ بيوحيمياسىن تەكسەرۋ كەرەك. بۇدان بولەك كورتيزول گورمونىنىڭ دەڭگەيىن انىقتاۋ ءۇشىن بۇيرەك ءۇستى بەزدەرىن دە تەكسەرۋ كەرەك»، - دەدى ديەتولوگ.
ديەتولوگتىڭ ايتۋىنشا، ادام تۇندە ۇزاق ۋاقىت ۇيىقتاي الماسا، تاماق جەگىسى كەلسە، ادرەنالين ونىڭ قانىندا بەلسەندى تۇردە بولىنەدى. بۇل ءتىپتى بۇيرەك ءۇستى بەزىنىڭ سۋبكلينيكالىق ديسفۋنكتسياسى بولۋى مۇمكىن.
ايتا كەتەيىك، بۇعان دەيىن عالىمدار ۇزاق ءومىر ءسۇرۋ ءۇشىن كۇندە قانشا قادام جاياۋ ءجۇرۋ كەرەك ەكەنىن ايتقان بولاتىن.
زەرتتەۋ ناتيجەسىندە 60 جاستان اسقان ادامدار ءولىم قاۋپى بىرتە-بىرتە ازايۋى ءۇشىن كۇنىنە 6-8 مىڭ قادام ءجۇرۋى كەرەك ەكەنى انىقتالدى. 60 جاسقا تولماعان ادامدارعا دەنساۋلىق پەن فيتنەستى ساقتاۋ ءۇشىن 8-12 مىڭ قادام ءجۇرۋ ۇسىنىلادى. سونىمەن قاتار، زەرتتەۋشىلەر جاياۋ ءجۇرۋدىڭ قارقىندىلىعى ماڭىزدى ەمەس ەكەنىن اتاپ ءوتتى.
massaget.kz
