قاسىم- جومارت توقايەۆ «قازاقستان پاراماۋنت ينجينيرينگ» زاۋىتىنىڭ جۇمىسىمەن تانىستى

نۇر- سۇلتان. قازاقپارات - مەملەكەت باسشىسى «قازاقستان پاراماۋنت ينجينيرينگ» زاۋىتىنا باردى، دەپ حابارلايدى قازاقپارات اوردانىڭ رەسمي سايتىنا سىلتەمە جاساپ.

قاسىم- جومارت توقايەۆ ەلوردادا بروندالعان دوڭگەلەكتى تەحنيكا شىعاراتىن جانە جاڭارتاتىن «قازاقستان پاراماۋنت ينجينيرينگ» زاۋىتىن ارالاپ كوردى. پرەزيدەنتكە وتاندىق بروندالعان دوڭگەلەكتى ماشينا شىعارۋ ۇدەرىسى كورسەتىلدى جانە قازاقستاندىق قورعانىس- ونەركاسىپ كاسىپورنى ونىمدەرىنىڭ كورمەسى تانىستىرىلدى.

مەملەكەت باسشىسىنا كومپانيانىڭ جۇمىسى مەن وتاندىق قورعانىس- ونەركاسىپ كەشەنىنىڭ جاعدايى جونىندە مالىمەت بەرىلدى. زاۋىتتى ارالاپ شىققان قاسىم- جومارت توقايەۆ اتالعان سالانى دامىتۋدىڭ پەرسپەكتيۆتى باعىتتارىن ايقىنداپ بەردى. سونداي- اق مەملەكەت باسشىسى وتاندىق وندىرۋشىلەردى قولداۋ قاجەت ەكەنىن اتاپ ءوتىپ، شىعاراتىن ونىمدەردى تەحنيكالىق تۇرعىدان زامان تالابىنا ساي جاڭارتۋعا شاقىردى.