دەنساۋلىق، ءبىلىم بەرۋ، مادەنيەت، عىلىم سالالارى جۇمىسكەرلەرىنىڭ ورتاشا جالاقىسى وسەدى

بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، حالىقتىڭ تابىسىن ارتتىرۋ باعدارلاماسىن ىسكە اسىرۋ لايىقتى ەڭبەك پەن ماسىلدىقتان باس تارتۋ يدەيالارىن ىلگەرىلەتۋ جونىندەگى اقپاراتتىق- ءتۇسىندىرۋ جۇمىسىمەن قاتار جۇرەتىن بولادى. ەڭبەك تابىسىن ارتتىرۋ باعىتى اياسىندا 22 ءىس- شارا ىسكە اسىرىلادى.
«ەڭبەك تابىسىنىڭ ءوسۋىن قامتاماسىز ەتۋ ءۇشىن دەنساۋلىق ساقتاۋ، ءبىلىم بەرۋ، مادەنيەت، عىلىم سالالارى جۇمىسكەرلەرىنىڭ ورتاشا جالاقىسى كوتەرىلەدى. ءوندىرىس كاسىپورىندارى جۇمىسكەرلەرىنىڭ تابىسىنداعى تەڭگەرىمسىزدىكتەردى جويۋ، ەڭبەك ونىمدىلىگىن ارتتىرۋ ماقساتىندا وڭدەۋ ونەركاسىبى كاسىپورىندارىن جاڭعىرتۋدى ىنتالاندىرۋ، وندىرىستىك داعدىلاردى دامىتۋ بويىنشا باعدارلامادا «ءومىر جولداماسى» كادرلاردى الدىن الا دايارلاۋ جوباسىن وڭىرلىك دەڭگەيدە ىسكە اسىرۋ سياقتى ءىس- شارالار كوزدەلگەن»، - دەدى الىبەك قۋانتىروۆ.