قازاقستاننىڭ ينتەرنەتتەن تولىق اجىراتىلۋ قاۋپى بار ما - مينيسترلىك جاۋاپ بەردى

نۇر-سۇلتان. قازاقپارات – ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە- ءمينيسترى اسحات ورازبەك رەسەي جاھاندىق جەلىدەن اجىراتىلعاندا بۇل جاعداي قازاقستانداعى ينتەرنەتكە قالاي اسەر ەتەتىنىن ايتتى، دەپ حابارلايدى قازاقپارات ءتىلشىسى.

پارلامەنت ماجىلىسىندە تىلشىلەر ۆيتسە-مينيستردەن رەسەيدى جاھاندىق جەلىدەن اجىراتقان جاعدايدا بۇل ماسەلە قازاقستانعا قالاي اسەر ەتەتىنىن سۇرادى. بۇل كوتەرىلىپ وتىرعان سۇراق قاۋەسەت بولۋى مۇمكىن ەكەنىنە توقتالعان اسحات ورازبەك، قازاقستاندا رەسەيدەن بولەك ءتۇرلى تۇيىسەتىن تورابى بار ەكەنىن جەتكىزدى.

«قازىرگى كەزدە قازاقستاندا ينتەرنەتكە قاتىستى كۇردەلى پروبلەمالار بولمايدى. ياعني ەلىمىزدىڭ ينتەرنەتتەن تولىقتاي اجىراپ قالۋى قاۋپى جوق. بۇل جايىندا الاڭداۋدىڭ رەتى جوق دەسەك بولادى»، - دەدى ۆيتسە-مينيستر.

سونىمەن قاتار ول بايلانىس جەلىسى دە ناشارلامايتىنىن اتاپ ءوتتى.

«قىتايمەن اراداعى توراپتار ەۋروپادان الىپ وتىرعان ترافيكتى ءدال سول كولەمدە تارتۋعا مۇمكىندىك بەرەدى»، - دەدى ا. ورازبەك.