ۇيىتقىعان بورانعا بايلانىستى استانادان شىعاتىن جولدار قايتا جابىلدى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى ەلوردادان شىعاتىن ءبىرقاتار جولداردا كولىك قوزعالىسى شەكتەلدى، دەپ حابارلايدى قازاقپارات.

Ikomek قالالىق شۇعىل قىزمەتى تاراتقان مالىمەتكە سەنسەك، 7 - ناۋرىز كۇنى ساعات 14:20 دان باستاپ نۇر- سۇلتاننان شىعاتىن ءبىرقاتار رەسپۋبليكالىق جولدار جابىلادى.

ناقتىلاپ ايتقاندا، «ەكاتەرينبۋرگ - الماتى» جولىنىڭ 917-1247 شاقىرىم ارالىعىندا، «نۇر- سۇلتان - جاقسى اۋىلى» ۋچاسكەسىندە كولىكتىڭ بارلىق ءتۇرىنىڭ جۇرۋىنە تىيىم سالىنعان.

سونىمەن قاتار ساعات 15:00 دەن باستاپ «نۇر- سۇلتان - پەتروپاۆل» جولىنىڭ 18-231 شاقىرىمدارىنىڭ ارالىعىندا، «نۇر- سۇلتان - شۋچينسك» ۋچاسكەسىندە كولىكتىڭ بارلىق تۇرلەرىنىڭ قوزعالىسىنا شەكتەۋ قويىلدى.

ودان بولەك، «نۇر- سۇلتان - ەرەيمەنتاۋ - شىدەرتى» جولنىڭ 16-156 شاقىرىمى دا جابىلدى. مۇنىڭ الدىندا استانادان بۇكىل باعىتتا جول اشىلعانى حابارلانعان بولاتىن.