22:27, 05 - ناۋرىز 2022 | GMT +5
پاكىستاندا ەر ادام مەشىتتىڭ ىشىندە ءوزىن جارىپ جىبەردى
نۇر- سۇلتان. قازاقپارات - پاكىستاننىڭ پەشاۆار قالاسىندا جويقىن جارىلىس بولدى. مۇندا ەر ادام مەشىت الدىندا پوليتسەيلەرگە وق اتىپ، ارتىنشا جۇما نامازى ءوتىپ جاتقان قۇلشىلىق ءۇيىنىڭ ىشىندە ءوزىن- ءوزى جارىپ جىبەرگەن.
سالدارىنان 50-دەن اسا ادام كوز جۇمىپ، تاعى 200-گە جۋىعى جاراقات الدى. دارىگەرلەر قۇرباندار سانى ءالى دە ارتۋى مۇمكىن دەيدى. ويتكەنى اۋرۋحاناعا جەتكىزىلگەندەردىڭ ءبىرازىنىڭ جاعدايى اۋىر. ازىرگە ەشبىر توپ بولعان وقيعانى ءوز موينىنا العان جوق.
