الماتىدا تاريحي ەسكەرتكىشتەرگە قاتىستى ۆانداليزم فاكتىلەرىنىڭ جيىلەپ كەتتى
«قاڭتارداعى جاپپاي تارتىپسىزدىك كەزىندە گوگول مەن پۋشكين كوشەلەرى قيىلىسىنداعى 28 - پانفيلوۆشى ساياباعىندا 9 شارشى مەتر گرانيت تاقتايشا قيراتىلىپ، كىرەبەرىستەگى جازۋدىڭ 5 ءارپى ۇرلانعان بولاتىن. سونداي- اق ماڭگىلىك الاۋ ماڭىنان 2 ءارىپ ۇرلانىپ، جاۋىنگەرلەردىڭ اتى جازىلعان 4 شويىن ەسكەرتكىش بۇزىلدى. قالپىنا كەلتىرۋ جۇمىستارى اقپان ايىندا اياقتالدى»، - حابارلادى قالالىق اكىمدىكتەن.
الايدا قالپىنا كەلتىرۋ جۇمىستارى اياقتالعاننان كەيىن 4- ناۋرىز كۇنى ساعات 10:00-دە گوگول كوشەسى جاعىنداعى كىرەبەرىستە تاعى 2 ءارىپتىڭ جانە ەسكەرتكىشتەن 8 شويىن ماڭدايشانىڭ جوعالعاندىعى انىقتالدى. ال، 5- ناۋرىزدا قولادان جاسالعان 2 ءارىپتىڭ ۇرلانعانى بەلگىلى بولدى. بۇزىلعان گرانيت پەن جوعالعان ارىپتەردىڭ جالپى شىعىنى 5,7 ميلليون تەڭگە. قالا اكىمدىگى اتالعان دەرەكتەردى الماتى قالاسىنىڭ پوليتسيا دەپارتامەنتى تىركەپ، ساياباقتاعى تەكسەرىس جۇمىستارىن كۇشەيتكەنىن جەتكىزدى.
«قالپىنا كەلتىرۋ جۇمىستارى 22- ناۋرىزعا دەيىن جۇرگىزىلەتىن بولادى. تاريحي ەسكەرتكىشتەرگە قاتىستى ۆانداليزم فاكتىلەرىنىڭ جيىلەپ كەتكەندىگىنە بايلانىستى قالا اكىمدىگى الماتىلىقتاردى قالا مۇلكىنە مۇقيات قاراپ، ءوز تاريحىمىزعا سىيلاستىق تانىتۋعا شاقىرادى»، - دەلىنگەن حابارلامادا.
اۆتور: الما مۇقانوۆا
