الەمگە تانىمال كومپانيا رەسەيدەگى جۇمىسىن توقتاتادى

نۇر- سۇلتان. قازاقپارات - باتىستىڭ شەكتەۋ شارالارى قاراپايىم رەسەيلىكتەرگە دە اسەر ەتىپ جاتىر، دەپ حابارلايدى «حابار 24».

بۇگىننەن باستاپ الەمگە تانىمال شۆەتسيالىقIKEA كومپانياسى رەسەيدە جۇمىسىن توقتاتادى. بۇل تۋرالى جەرگىلىكتى اقپارات قۇرالدارى حابارلادى. بىرلەستىك ەلدەگى ءوز ءوندىرىسىن جاۋىپ، رەسەيلىك مەردىگەرلەردىڭ تاۋارلارىن ساتىپ الۋدى دا دوعارادى. الپاۋىتتىڭ ەلدەن كەتەتىنى جايلى اقپار تاراي سالىسىمەن IKEA دۇكەندەرىنە اعىلعان ادامدار قاراسى كوبەيگەن.

ايتا كەتەيىك، ءۇي جيھازدارىن ساتۋمەن اينالىساتىن بىرلەستىكتىڭ رەسەيدە 17 دۇكەنى بار. ولاردا 15 مىڭ ادام جۇمىس ىستەيدى.

- وتە قاپالىمىن. سەبەبى ءساۋىر ايىندا ساتىپ الام با دەپ ويلاعان زاتتارىمدى قازىر شۇعىل الۋعا ءماجبۇرمىن.

- دۇكەننەن قالاعانىمىزدى تاپپادىق. ادامدار ءبارىن ساتىپ الىپ كەتكەن.

www.24.kz