08:47, 04 - ناۋرىز 2022 | GMT +5
رەسەي مەن ۋكراينا گۋمانيتارلىق ءدالىز قۇراتىن بولدى
گومەل. ت ا س س - قازاقپارات – ر ف پرەزيدەنتىنىڭ كومەكشىسى رەسەي دەلەگاتسياسىنىڭ باسشىسى ۆلاديمير مەدينسكي ۋكراينا تاراپىمەن بولعان كەلىسسسوزدەردىڭ ەكىنشى راۋندىنىڭ ناتيجەسى بويىنشا گۋمانيتارلىق ءدالىز قۇرۋ تۋرالى كەلىسىم جاسالعانىن ءمالىم ەتتى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.
ۆ. مەدينسكي تاراپتار كەلىسسوزدەر بارىسىندا 3 ءتۇرلى ماسەلەنى تالقىعا سالعانىن ايتتى. ولار: اسكەري، حالىقارالىق- گۋمانيتارلىق جانە بولاشاقتا شيەلەنىستى ساياسي رەتتەۋ ماسەلەسى.
ايتا كەتەيىك، ر ف مەن ۋكراينا دەلەگاتسيالارىنىڭ اراسىنداعى كەلىسوزدەردىڭ ەكىنشى راۋندى ءوتتى. ءبىرىنشى راۋند بەلارۋس پەن ۋكراينا شەكاراسىنداعى گومەل وبلىسىندا وتكەن بولاتىن.
