قاڭتار وقيعاسى: الماتىدا دۇكەننەن ۇرلانعان قارۋلار تابىلدى

الماتى. قازاقپارات - الماتىدا تۇرعىن ۇيلەردىڭ ءبىرىنىڭ اۋلاسىنان قارۋ-جاراق پەن وق-دارىلەر تابىلدى، دەپ حابارلايدى قازاقپارات ءتىلشىسى.

الماتىدا 7 مىلتىق پەن وق-دارىلەر جاسىرىلعان ورىن قالانىڭ الاتاۋ اۋدانىنان تابىلدى.

پوليتسيا دەپارتامەنتىنىڭ مالىمەتىنشە، جەدەل-تەرگەۋ توبى 12 كاليبرلى 7 تەگىس ۇڭعىلى مىلتىق، پىشاقتار، 200 دەن استام پاترون مەن وپتيكالىق كوزدەۋىشتەردى تاركىلەدى.

«بۇل قارۋلار اعىمداعى جىلى قاڭتار ايىنىڭ 5 نەن 6 نا قاراعان ءتۇنى قارۋ-جاراق دۇكەنىنەن ۇرلانعانى انىقتالدى. قازىرگى ۋاقىتتا جەدەل-ىزدەستىرۋ شارالارىمەن قارۋدى جاسىرعانداردىڭ جەكە باسى انىقتالۋدا. ولار ودان ءارى جاۋاپكەرشىلىككە تارتىلاتىن بولادى. اتالعان دەرەك بويىنشا ق ر ق ك- ءنىڭ 287-بابى 2-بولىگىنە سايكەس سوتقا دەيىنگى تەرگەۋ امالدارى باستالدى»، - دەدى الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.