توقايەۆ پەن ميرزيەۆ گەوساياسي احۋال شيەلەنىسى جاعدايىنداعى ساۋدا- ەكونوميكالىق بايلانىستى تالقىلادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ وزبەكستان پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

پرەزيدەنتتەر قازىرگى گەوساياسي احۋالدىڭ شيەلەنىسۋى جاعدايىنداعى ساۋدا- ەكونوميكالىق بايلانىستاردىڭ جاي- كۇيىن ەگجەي- تەگجەيلى تالقىلادى.

تاراپتار شاۆكات ميرزيەۆتىڭ قازاقستانعا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى جۇزەگە اسىرۋدىڭ ماڭىزدى ەكەنىن اتاپ ءوتتى. مەملەكەتتەر باسشىلارى ەكى ەل ۇكىمەتتەرىنىڭ ەكىجاقتى ساۋدا- ەكونوميكالىق ىنتىماقتاستىقتى ارتتىرۋعا، سونداي- اق جاڭا سىن- قاتەرلەردى ەڭسەرۋگە باعىتتالعان الداعى ءىس- قيمىلدارى جونىندە ۋاعدالاستى.