سەناتور بەيبىت يسابايەۆ ج و و جانە كوللەدج تۇلەكتەرىنىڭ بولاشاعىنا الاڭداۋلى

نۇر-سۇلتان. قازاقپارات - سەناتور بەيبىت يسابايەۆ ءوزىنىڭ دەپۋتاتتىق ساۋالىندا حالىقتى جۇمىسپەن قامتۋ سالاسىنا الاڭداۋشىلىق ءبىلدىردى.

وسى ورايدا ول ۇكىمەت باسشىسى ءاليحان سمايىلوۆتىڭ اتىنا ساۋال جولدادى، دەپ حابارلايدى قازاقپارات ءتىلشىسى.

ونىڭ ايتۋىنشا، جۇمىسپەن قامتۋداعى جالپى ءوسىم كورسەتكىشىنىڭ %60 ى «الەۋمەتتىك ەكونوميكا»، ياعني بيۋدجەتتەن قارجىلاناتىن ءبىلىم، دەنساۋلىق ساقتاۋ، مەملەكەتتىك قىزمەت سالاسى ت. ب. ەسەبىنەن جۇزەگە اسۋدا. جاڭا جۇمىس ورىندارىنىڭ اشىلۋ بارىسىندا جەكەمەنشىك سەكتوردىڭ ۇلەسى ازايىپ وتىر. سەناتوردىڭ مالىمەتىنشە، جىل سايىن جوعارى وقۋ ورنىن، كوللەدج بىتىرگەن ءاربىر ءۇشىنشى جاس مامان جۇمىسسىز قالۋدا. ال جۇمىسقا ورنالاسقانداردىڭ %30 ى ءوز ماماندىقتارى بويىنشا ەمەس، بىلىكتىلىگى، جالاقىسى تومەن جۇمىسقا تۇرادى. دەپۋتات وسىعان بايلانىستى ۇكىمەتتە ورىن العان پروبلەمالاردى جۇيەلى تۇردە شەشۋ جونىندە شارالار قابىلداۋ ماڭىزدى دەپ سانايدى.

«ەلىمىزدە قالىپتاسقان ەڭبەك نارىعىنىڭ بۇگىنگى جاعدايىنا تەرەڭ، جان-جاقتى تالداۋ جۇرگىزۋ قاجەت. جالپى حالىق سانىنىڭ، جاڭا ەڭبەك رەسۋرستارىنىڭ ءوسۋ ديناميكاسىن ەلىمىز ەكونوميكا سەكتورلارىنىڭ وسىممەن تىكەلەي بايلانىستىرا وتىرىپ، الداعى 5 جىلعا ەڭبەك رەسۋرستارىنا سۇرانىستىق بولجام جاسالۋى ءتيىس. وقۋ ورىندارىنىڭ باعدارلامالارى مەن ستاندارتتارىن وسى سۇرانىسقا، جۇمىس بەرۋشىلەردىڭ وندىرىستىك داعدى-تالاپتارىنا ساي ازىرلەنگەنىندە عانا ەڭبەك نارىعىنداعى سۇرانىس پەن ۇسىنىستىڭ تەڭگەرىمدىلىگىنە قول جەتەدى»، - دەدى بەيبىت يسابايەۆ سەناتتىڭ جالپى وتىرىسىندا.

دەپۋتات سونىمەن قاتار حالىقتىڭ لايىقتى جۇمىسپەن قامتاماسىز ەتۋ جانە تابىستى ارتتىرۋ مىندەتى بارلىق مەملەكەتتىك ورگانداردىڭ ۇيلەسىمدى جانە بىرلەسكەن جۇمىسى كەزىندە عانا جۇيەلى شەشىلەتىنىن اتاپ ءوتتى.

اۆتور: رۋسلان عابباسوۆ