رەسەي اتلەتتەرى پاراليمپياداعا حالىقارالىق پاراليمپيادالىق كوميتەت اتىنان قاتىساتىن بولدى

نۇر-سۇلتان. قازاقپارات - رەسەي مەن بەلارۋستىڭ ۋكرايناعا قارسى سوعىستاعى رولدەرىنە بايلانىستى قوس ەلدىڭ سپورتشىلارى قىسقى پاراليمپياداعا بەيتاراپ مارتەبەدە قاتىسادى.

بۇل تۋرالى حالىقارالىق پاراليمپيادالىق كوميتەت (ح پ ك) ءمالىم ەتتى، دەپ حابارلايدى قازاقپارات Euronews سايتىنا سىلتەمە جاساپ.

«رەسەيدىڭ پاراليمپيادالىق كوميتەتى مەن بەلارۋستىڭ ۇلتتىق پاراليمپيادالىق كوميتەتى بەيجىڭدەگى قىسقى ويىندارعا بەيتاراپ مارتەبەدە جانە كەلەسىدەي شارتتارمەن قاتىستىرىلادى: بارلىق سپورتشىلار جارىسقا حالىقارالىق پاراليمپيادالىق كوميتەت جالاۋىمەن شىعادى. ولار ءۇشىن حپك گيمنى قوسىلادى. اتلەتتەر پاراليمپيادانىڭ مەدالدار ەسەبىنە ەنگىزىلمەيدى»، - دەپ پرەسس-كونفەرەنسيادا ح پ ك باسشىسى ەندريۋ پارسونس ناقتىلاعان. سونداي-اق، ح پ ك رەسەي مەن بەلارۋس پاراليمپيادالىق كوميتەتتەرىنىڭ مۇشەلىكتەرى تۋرالى شەشىمدى كەزەكتەن تىس باس اسسامبلەيادا قابىلداماق. پاراليمپيادا بەيجىڭدە 4-ناۋرىز كۇنى باستالىپ، 10 كۇنگە سوزىلادى. بياتلون، تاۋ شاڭعىسى، اربامەن كەرلينگ، شاڭعى سپورتى، سنوۋبورد پەن سلەدج- حوككەي بويىنشا 78 مەدال جيىنتىعى باسكە تىگىلەدى.