22:13, 02 - ناۋرىز 2022 | GMT +5
رەسەي مەن بەلارۋس ەلىنىڭ بياتلونشىلارى حالىقارالىق جارىستاردان شەتتەتىلدى
نۇر-سۇلتان. قازاقپارات - حالىقارالىق بياتلونشىلار وداعى (IBU) رەسەي مەن بەلارۋس ەلىنىڭ سپورتشىلارىن حالىقارالىق جارىستاردان شەتتەتى.
بۇل تۋرالى وداقتىڭ باسپا ءسوز قىزمەتى حابارلادى.
IBU ءوزىنىڭ رەسمي سايتىندا تاراتقان اقپاراتىندا 17- ناۋرىز كۇنى وتەتىن اتقارۋشى كوميسسيا جيىنىندا رەسەي مەن بەلارۋستى ءتىپتى وداققا مۇشەلىكتەن دە شىعارىپ تاستاۋى مۇمكىن ەكەنى جازىلعان.
ەسكە سالايىق، بۇعان دەيىن حالىقارالىق بياتلونشىلار وداعى رەسەي مەن بەلارۋس ەلىنىڭ سپورتشىلارىنا ءوز ەلىنىڭ ەشقانداي سيمۆوليكاسىن قولدانباي، بەيتاراپ سپورتشى رەتىندە قاتىسۋعا رۇقسات بەرگەن ەدى.
سودان سوڭ رەسەي قۇراماسى 2021/2022-جىلعى ماۋسىمداعى قالعان بارلىق جارىستارعا قاتىسۋدان باس تارتتى.
