ءماجىلىس ءتوراعاسى ۋكرايناداعى جاعدايعا قاتىستى پىكىر ءبىلدىردى
ءماجىلىستىڭ جالپى وتىرىسىنان كەيىن تىلشىلەر پالاتا ءتوراعاسىنان ۋكرايناداعى جاعدايدى شەشۋدە قازاقستان قانداي ۇلەسىن قوسا الاتىنىن سۇرادى.
«ارينە، ۋكراينا مەن رەسەي ءبىزدىڭ باۋىرلاس ەلدەر سانالادى. بىزگە وسى شيەلەنىس اۋىر ءتيىپ وتىر. سوندىقتان ادامداردىڭ ءومىرى قيىلىپ جاتقانى، قالالاردىڭ تالقاندالىپ جاتقانى - قيىن جاعداي. قازاقستان قالاي كومەكتەسە الادى؟ بۇل تۇرعىدا كەشە مەملەكەت باسشىسى ءتيىستى مالىمدەمە جاسادى. ءبىز كەلىسسوز جۇرگىزۋگە قاتىستى كومەك كورسەتە الامىز، ياعني وسىعان ءتيىستى الاڭدى ۇسىنا الامىز»، - دەدى ە. قوشانوۆ.
سونىمەن قاتار ءماجىلىس ءتوراعاسىنا رەسەيگە سالىنعان سانكسيالاردىڭ قازاقستانعا اسەرى تۋرالى سۇراق قويىلدى.
«وسى ماسەلەگە قاتىستى احۋال ساعات سايىن، كۇن سايىن وزگەرىپ تۇر. سوندىقتان بۇعان بولجام ايتۋ قيىن. مەملەكەت باسشىسى ۇلتتىق بانككە جانە ۇكىمەتكە باتىس ەلدەرىنىڭ (رەسەيگە) سانكسيالارىنىڭ قازاقستاندىق ەكونوميكاعا ىقپالىن بارىنشا تومەندەتۋ تۋرالى تاپسىرما بەردى. بۇل تۇرعىدا ەلىمىزدە بارلىق قاجەتتى قادامدار جاسالىپ جاتىر»، - دەدى ەرلان قوشانوۆ.
