11:40, 02 - ناۋرىز 2022 | GMT +5
داريعا نازاربايەۆانىڭ دەپۋتاتتىق وكىلەتتىگى توقتاتىلدى
نۇر-سۇلتان. قازاقپارات - بۇگىن پارلامەنت ءماجىلىسىنىڭ جالپى وتىرىسىندا دەپۋتات داريعا نازاربايەۆانىڭ وكىلەتتىگى مەرزىمىنەن بۇرىن توقتاتىلدى، دەپ حابارلايدى قازاقپارات ءتىلشىسى.
ق ر ورتالىق سايلاۋ كوميسسياسىنىڭ مۇشەسى اسىلبەك سماعۇلوۆتىڭ ايتۋىنشا، ءماجىلىس دەپۋتاتى د. نازاربايەۆا مىندەتتەرىن اتقارۋدان ءوز ەركىمەن بوساتۋ تۋرالى ءوتىنىش بەرگەن.
«وسىعان وراي ق ر ورتالىق سايلاۋ كوميسسياسى سىزدەردىڭ نازارلارىڭىزعا زاڭناماعا سايكەس، پارلامەنت ءماجىلىسىنىڭ دەپۋتاتى داريعا نازاربايەۆانىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋ تۋرالى ماسەلەنى شەشۋ ءۇشىن ۇسىنىم ەنگىزىپ وتىر»، - دەدى ا. سماعۇلوۆ.
پالاتا دەپۋتاتتارى بۇل ۇسىنىمعا قولداۋ ءبىلدىردى.
ەسكە سالا كەتەيىك، بيىل 25-اقپاندا ورتالىق سايلاۋ كوميسسياسى ءماجىلىس دەپۋتاتى داريعا نازاربايەۆانىڭ وكىلەتتىگىن توقتاتۋ جونىندە قاۋلى شىعاردى.
