پرەمەر- مينيستر: بيزنەستى رەتتەيتىن اكتىلەر قايتا قارالادى

نۇر- سۇلتان. قازاقپارات - مەملەكەتتىك ورگانداردىڭ بيزنەستى رەتتەيتىن اكتىلەرى قايتا قارالادى.

ق ر پرەمەر- ءمينيسترى ءاليحان سمايىلوۆ ۇكىمەت وتىرىسىندا وسىنداي مالىمەت ايتتى، دەپ حابارلايدى قازاقپارات ءتىلشىسى.

«باعالاردىڭ وسۋىنە جول بەرمەۋ ءۇشىن ۇكىمەت ۇلتتىق بانكپەن جانە «اتامەكەن» كاسىپكەرلىك پالاتاسىمەن بىرلەسىپ، ينفلياتسيانى باقىلاۋ جانە تومەندەتۋ بويىنشا جاڭا شارالار كەشەنىن قابىلدادى جانە ىسكە اسىرۋدا. وسى جىلى «بيزنەستىڭ جول كارتاسى -2025» باعدارلاماسىن قارجىلاندىرۋ، ونىڭ ىشىندە سۋبسيديالاۋ مەن كرەديتتەرگە كەپىلدىك بەرۋ ۇلعايتىلادى. بيزنەسكە شامادان تىس اكىمشىلىك جۇكتەمەنى جويۋ كوزدەلىپ وتىر. مەملەكەتتىك ورگانداردىڭ رەتتەۋشىلىك اكتىلەرى قايتا قارالادى»، - دەدى ۇكىمەت باسشىسى.

سونداي- اق ول اۋىلداعى كاسىپكەرلىكتى دامىتۋ باعىتىنداعى شارالارعا توقتالدى.

«بيىل «اۋىل - ەل بەسىگى» وڭىرلەردى دامىتۋدىڭ كەشەندى جوسپارلارى جانە باسقا دا باعدارلامالار اياسىندا رەسپۋبليكالىق بيۋدجەتتەن قوسىمشا قاراجات بولىنەدى»، - دەدى ءاليحان سمايىلوۆ.