ۇكىمەت پەن ۇلتتىق بانك تەڭگە باعامىن نىعايتۋ باعدارلاماسىن ىسكە اسىرادى
بۇل تۋرالى ق ر پرەمەر- ءمينيسترى ءاليحان سمايىلوۆ ۇكىمەت وتىرىسىندا ءمالىم ەتتى.
«الەمدە بولىپ جاتقان جاعدايلارعا بايلانىستى حالقىمىزدىڭ الاڭداۋشىلىعى ورىندى. قوعامدا كوپتەگەن ساۋال بار. ءسوزسىز، بۇل جاعداي ءبىزدىڭ ەكونوميكامىزعا دا اسەر ەتپەي قويمايتىنى تۇسىنىكتى. مەملەكەت باسشىسىنىڭ تاپسىرماسىنا سايكەس، بىرنەشە كۇننەن بەرى وزدەرىڭىزبەن اقىلداسىپ ءتيىستى شەشىمدەر قابىلدادىق وسىلايشا ۇكىمەت پەن ۇلتتىق بانك بىرلەسكەن ءىس- قيمىل جوسپارىن ىسكە اسىرۋعا كىرىستى»، - دەدى ۇكىمەت باسشىسى.
ونىڭ ايتۋىنشا، اتالعان جوسپار ينفلتسيانى باقىلاۋدا ۇستاۋعا، ۆاليۋتا نارىعىنداعى تۇراقتىلىقتى ساقتاۋعا، جۇمىسپەن قامتۋدى قولداۋعا باعىتتالىپ وتىر.
«سونىمەن قاتار جاڭا جۇمىس ورىندارىن قۇرۋ مەن كاسىپكەرلىكتى دامىتۋعا ارنالعان شارالاردان تۇرادى. اتاپ ايتساق، قارجى نارىعىنىڭ، تەڭگەلىك دەپوزيتتەردىڭ تۇراقتىلىعىن قامتاماسىز ەتۋى ءۇشىن ۇكىمەت ۇلتتىق بانكپەن بىرلەسە وتىرىپ، تەڭگەلىك سالىمداردى قولداۋ باعدارلاماسىن ىسكە اسىرادى. وعان سايكەس، تەڭگە دەپوزيتتەرى بويىنشا سىيلىقاقى قوسۋ كوزدەلگەن»، - دەدى ءاليحان سمايىلوۆ.
