بەرىك اسىلوۆ قاڭتار وقيعاسى تۋرالى: قازىر ءبىز بەيبىت ميتينگىلەردى ءارتۇرلى كۇشتەردىڭ پايدالانعانىن ناقتى بىلەمىز

نۇر-سۇلتان. قازاقپارات - باس پروكۋروردىڭ مىندەتىن اتقارۋشى بەرىك اسىلوۆ مەملەكەت باسشىسىنىڭ تاپسىرماسى بويىنشا قاڭتار وقيعاسىنىڭ سەبەپتەرى مۇقيات تەرگەپ-تەكسەرىلىپ جاتقانىن ايتتى، دەپ حابارلايدى قازاقپارات.

«قازىر ءبىز بەيبىت ميتينگىلەردى ءارتۇرلى كۇشتەردىڭ پايدالانعانىن ناقتى بىلەمىز. ۇيىمداستىرۋشىلار دەسترۋكتيۆتى جانە قىلمىستىق توپتاردى تارتىپ، قارۋلاندىرىپ، ولاردىڭ ارەكەتتەرىن ۇيلەستىرگەن. تارتىپسىزدىكتەر ازاماتتارعا قارسى زورلىق-زومبىلىقپەن، قيراتۋمەن جانە توناۋمەن قاتار جۇرگەن. ولاردىڭ ماقساتى حالىقتى قورقىتىپ، بيلىكتىڭ جۇمىسىنا توسقاۋىل قويۋ بولعان»، - دەدى ب. اسىلوۆ.

ايتا كەتسەك، بۇگىن باس پروكۋراتۋرانىڭ كەڭەيتىلگەن القا وتىرىسىندا قاڭتار وقيعالارى كونتەكستىندە قىلمىستىق پروتسەستەگى ازاماتتاردىڭ كونستيتۋتسيالىق قۇقىقتارىن ساقتاۋ ماسەلەلەرى تالقىلاندى.