كەزەكتەن تىس «نۇر وتان»- نىڭ وتىرىسىندا قانداي ماسەلەلەر قارالادى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆتىڭ توراعالىعىمەن وتەتىن «Nur Otan» پارتياسىنىڭ كەزەكتەن تىس وتىرىسىندا ەكى ماسەلە قارالادى.

بۇل تۋرالى پارتيانىڭ اتقارۋشى حاتشىسى اسحات ورالوۆ ءمالىم ەتتى، دەپ حابارلايدى قازاقپارات.

«وزدەرىڭىز بىلەتىندەي، ەرتەڭ مەملەكەت باسشىسى، پارتيا ءتوراعاسى قاسىم- جومارت توقايەۆتىڭ توراعالىعىمەن ونلاين فورماتتا «Nur Otan» - نىڭ كەزەكتەن تىس XXII سەزى وتەدى. ونىڭ جۇمىسىنا ەلىمىزدىڭ ءار وڭىرىنەن 399 دەلەگات قاتىسادى. بۇگىن پارتيانىڭ ساياسي كەڭەسىنىڭ قاۋلىسىمەن سەزدىڭ كۇن ءتارتىبى بەكىتىلدى. ەكى ماسەلە قارالادى: 1. پارتيانىڭ ساياسي كەڭەسىنىڭ قۇرامىنا وزگەرىستەر ەنگىزۋ. 2. «Nur Otan» پارتياسىنىڭ مودەرنيزاتسياسى»، - دەپ جازدى ا. ورالوۆ.