ەكونوميست تەڭگە باعامى تۋرالى: باسى ارتىق بايبالام بانكتەرگە كەرى اسەر ەتەدى
«رەسەي مەن باتىس اراسىنداعى قارىم-قاتىناس ءبىرجاقتى ءوربىپ جاتىر. تەك ناشارلاپ بارادى. پروگرەسكە ۇقسايتىن ءبىر دە ءبىر فاكتور بايقالىپ تۇرعان جوق. سالدارىنان رۋبل كەشە تاعى قۇلدىرادى. ايىرباستاۋ بەكەتتەرىنەن بولەك بانكتەردىڭ قوسىمشالارىندا دا دوللارعا دەگەن سۇرانىس ءوستى. ونىڭ تەڭگەگە اسەر ەتكەنىن كورىپ وتىرمىز. كەيبىر جەلى قولدانۋشىلار ءرۋبلدىڭ كونۆەرتاتسياسىنا قاتىستى ۇسىنىستار ايتىپ جاتىر. جالپى ءبىز رەسەيمەن اراداعى قارىم- قاتىناستى قالاعان ۋاقىتتا ۇزە سالا المايمىز. ويتكەنى ساۋدا بايلانىسىمىز وتە تىعىز. ونداي شەشىمدەر ەكى جاققا دا ءتيىمسىز بولادى. سونى ءتۇسىنۋ كەرەك. اراداعى ساۋدا قاتىناسىنىڭ اۋقىمى وتە ۇلكەن، سوندىقتان بۇل وڭاي شارۋا ەمەس. ەكونوميكاعا بىردەن اسەر ەتەدى»، - دەدى ساراپشى.
ماماننىڭ پايىمىنشا، قازىرگى تاڭدا بايبالامعا سالىنباي، تەڭگە باعامىنىڭ تۇراقتانۋىن كۇتۋ ەڭ دۇرىس قادام بولماق.
«ۇلتتىق بانك تە ەڭ ءتيىمدى باعامدى ورناتۋعا تىرىسادى. نارىقتاعى احۋال قيىن بولىپ تۇر. ەرەكشە احۋال دەۋگە دە بولادى. ايىرباستاۋ بەكەتتەرى دە قىزمەتىن ۋاقىتشا توقتاتىپ جاتىر. ولار دا تەڭگە باعامى قانداي بولاتىنىن بىلمەي وتىر. ويتكەنى KASE- دە ءالى مالىمەت جوق. سونى پايدالانىپ الىپساتارلىققا بارسا، زاڭ بويىنشا جازاعا تارتىلادى. قازىر ۆاليۋتا نارعىنداعى كولەڭكەلى سپەكۋلياتسيا تۋرالى الىپقاشپا اڭگىمە كوپ. ونى ءتۇسىنۋ ءۇشىن حالىقارالىق ۆاليۋتا نارىعىن قاراۋ كەرەك. مىسالى، Forex-تە الەم بويىنشا ساۋدا جاسالادى. وندا 1-2 ادام كىرىپ، سپەكۋلياتسيا جاسايدى دەۋ كىشكەنە قيسىنسىز دۇنيە. سوندىقتان قازىر تەڭگەگە ءتۇسىپ جاتقان قىسىمنىڭ نەگىزگى بولىگى سىرتىق نارىقتاعى جاعدايمەن تىكەلەي بايلانىستى. KASE- دە الىپساتارلىق ارەكەتتەر بار شىعار. ءبىراق ءقازىر نارىق فاكتورى ءوز دەگەنىن ىستەپ جاتقانىن كورىپ وتىرمىز. مۇنداي كەزدە شەتەلدىك ۆاليۋتا ساتىپ الۋ كەرەك پە، الدە مۇلىك ساتىپ الۋ كەرەك پە، ونى اركىم ءوزى شەشەدى. ەڭ باستىسى بايبالامعا سالىنباۋ كەرەك. ىشتەگى بايبالام بانكتەرگە قىسىم تۋدىرادى»، - دەدى عالىمجان ايتقازين.
اۆتور: ەسىمجان ناقتىباي
