ۋكرايناداعى قازاقستاندىق: ەلشىلىككە قالاي جەتەرىمدى بىلمەي وتىرمىن

نۇر-سۇلتان. قازاقپارات - قازاقستان ازاماتى مەدينا گۋمەروۆا كيەۆتە تۇرادى. قازىر جەرلەسىمىز ەلگە قايتۋدىڭ قامىن قاراستىرىپ جاتىر.

وسى ورايدا قازاقپارات ءتىلشىسى وتانداسىمىزدان ۋكرايناداعى قازىرگى جاعداي تۋرالى سۇراپ بىلگەن ەدى.

«مەن قازاقستاننىڭ ازاماتىمىن، كيەۆتە تۇرامىن. وسىندا تۇراقتى تۇرىپ، جۇمىس ىستەيمىن. بۇعان دەيىن جاعداي تىنىشتالسىن دەپ كۇتە تۇرعان بولاتىنمىن، سەبەبى شەكارادا ۇزاق كەپتەلىس. وسىنداعى قازاقستاننىڭ ەلشىلىگىمەن بايلانىستىم، ەلگە قايتۋدىڭ امالىن قاراستىرىپ جاتىرمىن. كيەۆ قالاسىندا كەشكى ساعات 17:00-دەن تاڭعى 8:00-گە دەيىن كومەندانتتىق ساعات. سىرتقا شىعۋعا بولمايدى. قازىر ۇيدە جالعىزبىن، جۇمىسىمدى ونلاين جالعاستىرىپ جاتىرمىن. قازاقستاندا اتا-انام تۇرادى»، - دەدى مەدينا گۋمەروۆا.

ايتۋىنشا، وتانداسىمىز زاتىن جيناپ، ەلگە قايتۋعا دايىن وتىر.

«ەلشىلىكپەن بايلانىسقانىمدا، ماعان ەلشىلىك عيماراتىنا كەلىپ كۇتۋىمدى سۇرادى. قازىر زاتتارىمدى جيناپ دايىن وتىرمىن. ءبىراق ەلشىلىككە قالاي جەتەرىمدى بىلمەي وتىرمىن. سەبەبى تاكسي تابۋ قيىن جانە باعا ءوسىپ كەتكەن»، - دەيدى وتانداسىمىز.