ۋكراينا- رەسەي شيەلەنىسى قازاقستانعا قالاي اسەر ەتەدى - ساراپشى پىكىرى
«قازىر قازاقستاننىڭ ۇستانىمى بارىنە تۇسىنىكتى جانە ول قانداي دا ءبىر وزگەرىسكە ۇشىرايدى دەپ ويلامايمىن. ءبىز نەيتراليتەت ۇستانامىز جانە قوس تاراپتى بەيبىتشىلىككە شاقىرامىز. بۇل ۇستانىمدى سەنات سپيكەرى ۇكىمەت دەڭگەيىندە ايتقان بولاتىن. ول ءبىرىنشى كەزەكتە، كوپۆەكتورلى قاعيداتتى ۇستاناتىن قازاقستاننىڭ سىرتقى ساياساتى تۇجىرىمداماسىندا نەگىزدەلگەن. بۇل بارلىق تاراپتارمەن وداقتاستىق قاتىناس بارىن بىلدىرەدى. ءبىز ءۇشىن بالانستى ساقتاۋ وتە ماڭىزدى، ويتكەنى بۇل بۇرىن- سوڭدى بولماعان وتە كۇردەلى گەوساياسي جاعداي. مۇندا قازاقستان شالت قادامعا بارماۋى كەرەك، قانداي دا ءبىر تاراپتى جاقتاماۋى كەرەك. 30 جىل بويى ءبىز كوپ ۆەكتورلى جۇيەنى قولدانىپ كەلدىك جانە ول بىزگە تەك ارتىقشىلىقتار بەردى. سوندىقتان قازىرگى جاعدايعا تەك ۇلتتىق مۇددەلەرىمىزدى ەسكەرە وتىرىپ ءۇن قاتۋ كەرەك. بىزدە قازاقستاندا رەسەيمەن تۋىستىق بايلانىسى بار 3 ميلليوننان استام ورىس، ۋكراينامەن بايلانىستىراتىن 300 مىڭنان استام ۋكراين بار. نەگىزىنەن، بارلىعىمەن ديپلوماتيالىق قاتىناستار ورناتىلعان. سونداي سەزىمتال شەكارانى ساياساتكەرلەرىمىز ەشقانداي جاعدايدا بۇزباۋى كەرەك. قوعامىمىز دا وقيعانى باعالار كەزدە، قانداي دا ءبىر تاراپتى جاريا تۇردە قاتاڭ سىناۋدا ساق بولعانى ءجون. ونى ءوزىمىزدىڭ جەكە ەموتسيالارىمىزدان ەمەس، ۇلتتىق مۇددەلەرىمىزدى ساقتاۋدان باستاۋىمىز كەرەك»، - دەپ ءتۇسىندىردى ساراپشى.
ءوز پىكىرىندە جۇلدىزاي ىسقاقوۆا قازاقستان بيلىگىنىڭ ۇستانىمى اقىلعا قونىمدى دەپ سانايدى. «بيلىكتىڭ ۇستانىمىن سىندارلى دەپ ايتۋعا بولادى. قاۋىپسىزدىك كەڭەسىنىڭ وتىرىسى ءوتتى، ۇجىمدىق شەشىم قابىلداندى، مەنىڭ ويىمشا، بەيتاراپتىق ۇستانىم مەن تاراپتاردى ديالوگقا شاقىرۋ - وتە ورىندى. ءبىزدىڭ جاقسى تاجىريبەمىز بار - سيريا پروتسەسى قازاقستاندا وتكەن بولاتىن. كەزىندە رەسەي مەن تۇركيانى دا كەلىسسوزدەر ۇستەلىنە وتىرعىزدىق. وسىنداي جانجالداردىڭ مەدياتورى رەتىندە ءجيى باستاما كوتەردىك. مەنىڭ ويىمشا، بۇل تاكتيكا وتە دۇرىس. ءبىزدىڭ مىندەتىمىز - تاراپتار قاقتىعىستى ديپلوماتيالىق دەڭگەيدە شەشۋ ءۇشىن بارلىق مۇمكىندىكتى پايدالانۋ»، - دەدى ساراپشى.
سونداي- اق، ساراپشى رەسەي- ۋكراينا قاقتىعىسىنىڭ قاشانعا سوزىلاتىنى تۋرالى پىكىر ءبىلدىردى.
«سوعىستىڭ مەرزىمى تۋرالى كەسىپ ايتۋعا بولمايدى، ءبىراق سوڭعى ونجىلدىقتا باۋىرلاس مەملەكەتتەر قارىم- قاتىناسى ءدال وسىلاي شيەلەنىسپەگەن ەدى. سوعىستىڭ وزىنەن بۇرىن كەيىنگى سالدارى ۇزاققا سوزىلادى. مۇنىڭ سالدارى بۇكىل پوستكەڭەستىك كەڭىستىكتى شارپۋى مۇمكىن. قازىر ءبىزدىڭ مىندەتىمىز - ەڭ ناشار سەناريگە دايىندالۋ، ارينە وقيعا باسقاشا ءوربۋى دە مۇمكىن. ياعني، ءبىز ازاماتتارىمىزدى بارىنشا قورعاۋ ءۇشىن داعدارىسقا قارسى شارالار قابىلداۋعا ءتيىسپىز. قازىر ۇكىمەتكە ۇلكەن ءرول جۇكتەلگەن - ولار ازىرلەگەن داعدارىسقا قارسى جوسپاردى ۇنەمى تەكسەرىپ وتىرۋى كەرەك، ويتكەنى جاعداي وزگەرىپ، رەسەيگە جاڭا سانكتسيالار سالىنىپ جاتىر. ونىڭ بارىنە دايىن بولۋىمىز كەرەك. ۇكىمەتتەگى ساراپشىلارىمىز وقيعانىڭ ءتۇرلى بولجامىنا سۇيەندى جانە دايىندىقتى پىسىقتاپ جاتىر»، - دەپ ەسەپتەيدى ساراپشى.
سپيكەر قازاقستان ءۇشىن رەسەي- ۋكراينا جانجالىنىڭ قانداي سالدارى بولۋى مۇمكىن ەكەنىن ايتتى.
«بيلىك ءبىز مۇشەلىك ەتەتىن ۇ ق ش ۇ كونتينگەنتى بۇل پروتسەستەرگە قاتىسپايدى دەپ مالىمدەدى، ويتكەنى بۇل وقيعا مەملەكەتتىك كەلىسىمدە بولماعان. مۇنى ب ۇ ۇ شەشۋى كەرەك. بۇل تۇرعىداعى ماسەلە شەشىلدى. تاعى ءبىر نارسە - بۇل حالىققا ەكونوميكالىق تۇرعىدان، ياعني ينفلياتسيامەن، تەڭگە باعامىمەن بايلانىستى اسەر تيگىزۋى مۇمكىن. مۇنىڭ ءبارى، ارينە، ازاماتتاردىڭ ەكونوميكالىق جاعدايىنا اسەر ەتەدى. بىزدە رەزەرۆتەر مەن ۇلتتىق قور بار. بيلىكتىڭ مالىمدەمەسىنە سۇيەنسەك، مۇناي اقشاسى ۇلتتىق قوردا ساقتالعان. سوندىقتان بىزدە «قاۋىپسىزدىك جاستىقشاسى» بار. بيۋدجەت پەن رەسۋرستارىمىز بار. مۇندا دۇربەلەڭگە بوي الدىرماي، رەسۋرستاردى دۇرىس ءبولۋ كەرەك. بۇل جاعدايدا سىبايلاس جەمقورلىققا قارسى ورگان، قۇقىق قورعاۋ ورگانى ناقتى جۇمىس ىستەۋى كەرەك. قاۋىپسىزدىك - ءبىرىنشى ورىندا، سودان كەيىن - ەكونوميكا، سوندىقتان ازاماتتار وسىنداي كۇردەلى گەوساياسي جاعدايلاردا وزدەرىنىڭ قورعالعانىن سەزىنۋى ءتيىس»، - دەدى جۇلدىزاي ىسقاقوۆا.
اۆتور: ايجان سەرىكجان قىزى
