ۆلاديمير زەلەنسكي رەسەي پرەزيدەنتىنىڭ ۇسىنىسىنا كەلىسىمىن بەردى
ۋكراينا پرەزيدەنتىنىڭ باسپا ءسوز حاتشىسى سەرگەي نيكيفوروۆتىڭ ايتۋىنشا، قازىرگى تاڭدا كەلىسسوزدەر وتەتىن ورىن مەن ونىڭ ۋاقىتى بەلگىلەنىپ جاتىر، دەپ حابارلايدى قازاقپارات رەسەلىك تاسس اگەنتتىگىنە سىلتەمە جاساپ.
«ۋكراينا كەلىسسوزدەر جۇرگىزۋدەن باس تارتتى دەگەن ۇعىمدى جوققا شىعارۋ كەرەك بولىپ تۇر. ۋكراينا الەمدە اتىستى توقتاتۋ مەن بەيىتشىلىك تۋرالى سويلەسۋگە دايىن ەكەندىگىن مالىمدەپ كەلگەن، ءالى دە سولاي بولىپ قالا بەرمەك. بۇل ءبىزدىڭ تۇراقتى ۇستانىمىمىز. ءبىز ر ف پرەزيدەنتىنىڭ ۇسىنىسىنا كەلىستىك»، - دەپ جازدى سەرگەي نيكيفوروۆ جۇما كۇنى ءوزىنىڭ Facebook پاراقشاسىندا.
«وسى ۋاقىتتا كەلىسسوزدەر جۇرگىزىلەتىن ورىن مەن ونىڭ ۋاقىتى كەلىسىلىپ جاتىر»، - دەپ جازدى ول.
«كەلىسسوزدەر نەعۇرلىم ەرتە باستالسا، قالىپتى ومىرگە سوعۇرلىم ەرتە ورالامىز» وسىعان دەيىن رەسەي پرەزيدەنتىنىڭ باسپا ءسوز حاتشىسى دميتري پەسكوۆ ۆلاديمير پۋتيننىڭ ۋكراينامەن كەلىسسوزدەر جۇرگىزۋ ءۇشىن مينسكىگە رەسەي دەلەگاتسياسىن جىبەرۋگە دايىن ەكەنىن ءمالىم ەتكەن بولاتىن.
كەشىرەك پەسكوۆ ۋكراينا تاراپىنىڭ كەلىسسوزدەردى بەلارۋس استاناسىندا جۇرگىزۋ تۋرالى ۇسىنىسقا ونى ۆارشاۆادا وتكىزۋ تۋرالى ايتىپ، كەيىن بايلانىستى ۇزگەندىگىن ايتتى. رەسەي پرەزيدەنتى ۆلاديمير پۋتين 24-اقپاندا دونباسس مەملەكەتتەرى كومەك سۇراعان سوڭ ۋكراينادا ارنايى اسكەري وپەراتسيا جۇرگىزەتىنىن جاريالاعان بولاتىن.
ول ۋكراينا اۋماقتارىن وكۋپاتسيالاۋ ماسكەۋدىڭ جوسپارىنا كىرمەيتىنىن، وپەراتسيا جۇرگىزۋدەگى ماقسات ەلدى دەميليتاريزاتسيالاۋ ەكەنىن ەسكەرتتى. ر ف قورعانىس مينيسترلىگىنىڭ حابارلاۋىنشا، اسكەر قالالارعا سوققى جاسامايدى، ولار تەك ۋكراينانىڭ اسكەري ينفراقۇرىلىمىن ىستەن شىعارۋدى كوزدەپ وتىر. سوندىقتان بەيبىت تۇرعىندارعا قاۋىپ ءتونىپ تۇرعان جوق.
