احمەت بايتۇرسىن ۇلىنىڭ تۋعان جەرىندە ينفراقۇرىلىمدىق جوبالار ىسكە اسادى - مەملەكەتتىك حاتشى
«مەملەكەت باسشىسى مەرەيتوي شارالارىنىڭ «اس تا توك» تويمەن ەمەس، ەلگە پايداسى تيەتىن ناقتى جۇمىستارمەن ەرەكشەلەنۋى قاجەتتىگىن ۇنەمى ايتىپ جۇرەدى. بۇل ۇستانىم احاڭنىڭ مەرەيتويىنا دا قاتىستى. ۇلت ۇستازىنىڭ تۋعان جەرى - قوستاناي وبلىسىندا ينفراقۇرىلىمدىق جانە مادەني-رۋحاني جوبالار جۇزەگە اسىرىلۋعا ءتيىس. ول جونىندە بىزدە وبلىس اكىمشىلىگىمەن سونداي كەلىسىم بار»، - دەدى ول كونفەرەنسيا بارىسىندا.
ەرلان قاريننىڭ پايىمداۋىنشا، احمەت بايتۇرسىن ۇلى - بارلىق داۋىردەگى قازاق بالاسىنا ورتاق تۇلعا. «ونىڭ ەڭبەگى مەن شىعارماشىلىعى، كۇرەسكە تولى ءومىر جولى بارشامىزعا ۇلگى- ونەگە. احاڭ - ۇلت رۋحنانياتىنىڭ تەمىرقازىعى. ءبىز سول تەمىرقازىقتى قازاقتىڭ وركەنيەت كوگىندەگى باستى باعدار ەتىپ ۇستانامىز. سوندىقتان احاڭ قازاقپەن بىرگە ماڭگى جاساي بەرەدى»، - دەپ تۇيىندەدى مەملەكەتتىك حاتشى.
