14:25, 24 - اقپان 2022 | GMT +6
قازاقستان ۇشاقتارىنىڭ ۋكراينا اسپانىندا ۇشۋىنا تىيىم سالىندى
نۇر-سۇلتان. قازاقپارات - قازاقستاننىڭ اۋە كومپانيالارىنا ۋكراينانىڭ اۋە كەڭىستىگىنىڭ ۇستىنەن ۇشۋعا تىيىم سالىناتىنى تۋرالى نۇسقاۋلار جىبەرىلدى، دەپ حابارلايدى ق ر ي ي د م باسپا ءسوز قىزمەتى.
ۋكراينا اۋماعىندا ازاماتتىق اۆياتسيانىڭ قاۋىپسىزدىگىنە تونەتىن قاۋىپكە جانە NOTAM جاريالاعان دنەپر، لۆوۆ، سيمفەروپول، ودەسسا، كيەۆ جانە اسكەري ءىس-قيمىلدارمەن بايلانىستى باسقا دا ايماقتاردا ۇشۋعا تىيىم سالىنۋىنا بايلانىستى وتاندىق كومپانيالارىنىڭ بارلىعىنا ۋكرايناعا جانە بۇل ەلدىڭ ۇستىمەن ۇشۋعا تىيىم سالىنادى.
قازاقستاننىڭ اۆياتسيالىق اكىمشىلىگى تۇراقتى، جۇك جانە چارتەرلىك اۋە تاسىمالدارىن ورىندايتىن وتاندىق اۋە كومپانيالارىنا جاعداي تۇراقتالعانعا دەيىن ۋكراينا اۋماعىنا جانە ونىڭ اۋە كەڭىستىگىنىڭ ۇستىنەن ازاماتتىق اۋە كەمەلەردىڭ ۇشۋلارىنا تىيىم سالۋ تۋرالى ءتيىستى نۇسقاۋلار (راديوگراممالار) جىبەردى.
