الەمدەگى ەڭ جەڭىل زات

نۇر- سۇلتان. قازاقپارات - الەم قىزىق پەن سىيعا تولى. عالىمداردىڭ زەرتتەۋىنەن پايدا بولاتىن نارسەلەردىڭ جاڭالىعى ءوز الدىنا ەرەكشە.

سەبەبى ولار ادام بالاسىنىڭ ساناسىنا سىيمايتىن دۇنيەلەرگە تاجىريبە جاساپ، ناتيجە كۇتەدى. بۇل - ەڭبەك. وتكەن جىلى عانا عالىمداردىڭ ويلاپ تاپقان «اەروگرافيت» اتالاتىن ماتەريالى الەمدەگى ەڭ جەڭىل زات بولىپ تابىلعان ەدى. ءبىراق اەروگرافيت ءوزىنىڭ تاعىن گرافەننەن جاسالعان اەروگەلگە بەرمەك. سەبەبى ەندى جەر بەتىندەگى ەڭ جەڭىل زات - گرافەننەن جاسالعان اەروگەل. جاڭا اتاۋعا يە بولعان ماتەريالدى گاو چاو باستاعان عالىمدار توبى ويلاپ تاپتى.

زەرتتەۋ قورىتىندىسى قىتايداعى جەجياڭ ۋنيۆەرسيتەتىنىڭ عىلىمي- زەرتتەۋ زەرتحاناسىندا دايىندالدى. ەڭ العاش اەروگەل 1931 -جىلى امەريكالىق عالىم، ينجەنەر- حيميك سەميۋەل ستيۆەنس كيستلەردىڭ تاپقىرلىعىمەن پايدا بولدى. قازىرگى تاڭدا بۇل زاتقا دەگەن قىزىعۋشىلىق ارتىپ تۇر. 2011 -جىلى اەروگەل كومىرقىشقىلىنىڭ كوپتەكتى نەگىزىندە جارىققا شىقتى (MCNT). وزگەشە اتاۋى - «مۇزداتىلعان ءتۇتىن». تىعىزدىعى - 4 م گ/س م 3. بۇل سول كەزدە الەمدەگى ەڭ جەڭىل زات رەتىندە تىركەلگەن بولاتىن. ءبىراق ۋاقىت وتە كەلە جاڭا زەرتتەۋلەر پايدا بولدى. قازىر ەڭ جەڭىل زات گرافەننەن وندىرىلگەن اەروگەل. ونىڭ تىعىزدىعى - 0,16 م گ/ س م 3.

Massaget.kz