جەكەمەنشىك مەكتەپ سالۋ ارقىلى ءبىلىم وشاقتارىنداعى ورىن تاپشىلىعىن شەشۋگە بولادى

الماتى. قازاقپارات - جەكەمەنشىك مەكتەپ سالۋ ارقىلى مەكتەپتەگى ورىن تاپشىلىعىن شەشۋگە بولادى.

بۇل تۋرالى ق ر ب ع م «قارجى ورتالىعى» ا ق ىلگەرىلەتۋ جانە سىرتقى كوممۋنيكاتسيالار دەپارتامەنتىنىڭ ديرەكتورى الپامىس ساتىبالدين ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.

سپيكەر اتاپ وتكەندەي، ەلىمىزدەگى وقۋشىلار سانى جىل سايىن ارتىپ كەلەدى، سوندىقتان ورتا ءبىلىم بەرۋ سالاسىنداعى ماڭىزدى مىندەتتەردىڭ ءبىرى - تولىپ كەتكەن مەملەكەتتىك مەكتەپتەردىڭ جۇكتەمەسىن ازايتۋ، سونداي-اق ءبىلىم بەرۋ ساپاسىن ارتتىرۋ ءۇشىن كۇرەستە مەكتەپتەر اراسىندا سالاۋاتتى باسەكەلەستىكتى دامىتۋ.

ايتا كەتسەك، قازاقستاندا 2019-2021-جىلدارى 94696 ورىندى 287 جەكەمەنشىك مەكتەپ اشىلدى، ونىڭ 41 ءى الماتىدا. الپامىس ءساتىبالديننىڭ ايتۋىنشا، 2018-جىلدان باستاپ جەكە مەنشىك ءبىلىم بەرۋ ۇيىمدارىندا ورتا ءبىلىم بەرۋگە مەملەكەتتىك ءبىلىم بەرۋ تاپسىرىسىن ورنالاستىرۋ مۇمكىندىگى زاڭدى تۇردە بەكىتىلدى.

جەكە مەنشىك مەكتەپتەر ءۇشىن جان باسىنا شاققانداعى قارجىلاندىرۋ ادىستەمەسىمەن جان باسىنا شاققانداعى نورماتيۆ ايقىندالدى. ادىستەمەگە سايكەس جان باسىنا شاققانداعى نورماتيۆتىڭ مولشەرى ەكى كومپونەنتتەن تۇرادى:

- مەملەكەتتىك جالپىعا مىندەتتى ءبىلىم بەرۋ ستاندارتىن (م ج م ب س) ىسكە اسىرۋعا ارنالعان وپەراتسيالىق شىعىستار. جاڭادان ىسكە قوسىلاتىن جەكەمەنشىك مەكتەپتەر ءۇشىن اعىمداعى جىلعا نورماتيۆ ورتا ەسەپپەن 532 مىڭ تەڭگە؛

- جىلىنا جاڭادان ەنگىزىلگەن ءاربىر وقۋشى ورنى ءۇشىن عيماراتتىڭ امورتيزاتسياسىنا ارنالعان شىعىستار:

- قۇرىلىس كەزىندە - 96 ا ە ك (294 مىڭ تەڭگە)، - رەكونسترۋكتسيا كەزىندە - 47 ا ە ك (143 مىڭ تەڭگە).

«قارجى ورتالىعىنىڭ وكىلى قازىرگى ۋاقىتتا «دامۋ» كاسىپكەرلىكتى دامىتۋ قورى ارقىلى جاتاقحانالاردى دا، جەكەمەنشىك مەكتەپتەردى دە سالۋ جانە رەكونسترۋكتسيالاۋ بويىنشا بانكتىك قارىزداردى سۋبسيديالاۋ تەتىگى جۇمىس ىستەپ تۇرعانىن حابارلادى.

سونىمەن قاتار، ينۆەستوردىڭ بالانىڭ مەكتەپتە بولۋىنىڭ جاقسارتىلعان جاعدايلارىن ۇسىنعانى ءۇشىن اتا-انا تولەماقىسىن الۋعا قۇقىعى بار. مەملەكەتتەن تولەۋ مەرزىمى وتكەننەن كەيىن وبەكت قۇرىلىس سالۋشىنىڭ مەنشىگىندە قالادى. وبەكتىنىڭ نىسانالى ماقساتىن وزگەرتۋگە اۋىرتپالىقتى 20 جىل مەرزىمگە تىركەۋ جالعىز شارت بولادى»، - دەدى الپامىس ساتىبالدين.