ۇكىمەت باسشىسى قىتايمەن اراداعى كەدەندىك الشاقتىقتى قىسقارتۋدى تاپسىردى

نۇر-سۇلتان. قازاقپارات - ۇكىمەت باسشىسى ءاليحان سمايىلوۆ قىتايمەن اراداعى كەدەندىك الشاقتىقتىق قىسقارتۋعا «قازاقستان تەمىر جولى» كومپانياسىن تارتۋدى تاپسىردى، دەپ حابارلايدى قازاقپارات ءتىلشىسى.

«قىتايمەن اراداعى كەدەندىك ستاتيستيكا دەرەكتەرىنىڭ الشاقتىعى وتكەن جىلدىڭ قورىتىندىسى بويىنشا 5,7 ميلليارد تەڭگە بولدى. وعان نەگىزگى سەبەپتەردىڭ ءبىرى - تاۋارلار قۇنىن كەمىتىپ كورسەتۋ ءارى دۇرىس دەكلاراتسيالاماۋ. سوڭعى 4 جىلدا الشاقتىق 20 پروتسەنت قىسقاردى. بۇل جاقسى ديناميكا»، - دەدى پرەمەر- مينيستر.

ونىڭ مالىمەتى بويىنشا، بۇگىندە قارجى مينيسترلىگى 5 مىڭنان استام تاۋار پوزيتسياسىنىڭ قۇندىق ينديكاتورىن قايتا قاراعان.

«سونىمەن قاتار، قارجى مينيسترلىگى «قازاقستان تەمىر جولى» كومپانياسىمەن بىرلەسىپ تاسىمالداناتىن تاۋارلار بويىنشا قىتاي تاراپىمەن اقپارات الماسۋ ماسەلەلەرىن پىسىقتاۋ قاجەت»، - دەدى ءاليحان سمايىلوۆ.