سوت شەشىمىمەن قازاقستاندىق ءۇش جوعارى وقۋ ورنى جابىلدى

نۇر- سۇلتان. قازاقپارات - قازاقستاندىق ءۇش جوعارى وقۋ ورنى سوت شەشىمىمەن جابىلدى. ولار - ورتالىق ازيا ۋنيۆەرسيتەتى، اقتاۋ گۋمانيتارلىق- تەحنيكالىق ۋنيۆەرسيتەتى جانە «استانا» ۋنيۆەرسيتەتى، دەپ حابارلايدى قازاقپارات ق ر ب ع م باسپا ءسوز قىزمەتىنە سىلتەمە جاساپ.

سوڭعى جىلدارى اتى اتالعان جوعارى وقۋ ورىندارى ب ع م تاپسىرىسى بويىنشا «اتامەكەن» ۇ ك پ جۇرگىزەتىن ءبىلىم بەرۋ باعدارلامالارىنىڭ رەيتينگىندە ۇنەمى تومەن پوزيتسيادان كورىندى. بۇل ۋنيۆەرسيتەتتەردەگى ءبىلىم بەرۋ باعدارلامالارىنىڭ باسىم بولىگى جۇمىس بەرۋشىلەردىڭ تالابىنا ساي كەلگەن جوق جانە ءبىلىم الۋشىلار اراسىندا دا سۇرانىسقا يە بولمادى.

«مىسالى، ورتالىق ازيا ۋنيۆەرسيتەتى رەيتينگكە 2019 -جىلى - 36، 2020 -جىلى - 37، 2021 -جىلى - 11 ءبىلىم بەرۋ باعدارلاماسى بويىنشا قاتىستى. ياعني كوپتەگەن باعدارلامالار بويىنشا تۇلەكتەردىڭ ازدىعىنا بايلانىستى ناتيجە كورسەتە المادى. جابىلعان جوعارى وقۋ ورىندارى ساپانى جاقسارتۋ باعىتىندا جۇمىس ىستەگەن جوق، ءبىلىم بەرۋ باعدارلامالارىنا ينۆەستيتسيا سالمادى، پراكتيك- مامانداردى قىزمەتكە تارتپادى. تالداۋ ناتيجەسىنە سۇيەنسەك، ءبىلىم بەرۋ باعدارلامالارى بويىنشا رەيتينگى تومەن جوعارى وقۋ ورىندارى قاۋىپتى ايماققا تۇسەتىن ۋنيۆەرسيتەتتەرمەن ءوزارا بايلانىستى بولادى. ناتيجەسىندە اۋسايدەر جوعارى وقۋ ورىندارى ليتسەنزياسىنان ايىرىلىپ، ءبىلىم بەرۋ قىزمەتىن توقتاتتى»، - دەپ اتاپ ءوتتى ق ر ب ع م ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ ءتوراعاسى گۇلزات كوبەنوۆا.

ءدال وسىنداي جاعداي «استانا» ۋنيۆەرسيتەتى مەن اقتاۋ گۋمانيتارلىق- تەحنيكالىق ۋنيۆەرسيتەتىندە ورىن الدى. بۇل جوعارى وقۋ ورىندارىنىڭ ءبىلىم بەرۋ باعدارلامالارىنىڭ % 70-75- ى ساپاسى بويىنشا تالاپتارعا جانە جۇمىس بەرۋشىلەردىڭ سۇرانىسىنا ساي بولمادى.

«سونىمەن قاتار قازىر باسقا جوعارى وقۋ ورىندارىن تەكسەرۋ ناتيجەلەرى بويىنشا سوت پروتسەستەرى ءجۇرىپ جاتىر. اكادەميك ءا. قۋاتبەكوۆ اتىنداعى حالىقتار دوستىعى ۋنيۆەرسيتەتىندە پەداگوگيكالىق جانە تەحنيكالىق باعىت بويىنشا كادر دايارلاۋ جۇمىس بەرۋشىلەردىڭ تالابىنا ساي كەلمەيدى. كادر دايارلاۋ ساپاسىن جاقسارتۋ - ماڭىزدى ماسەلە. ەگەر بۇگىن ۋنيۆەرسيتەتتەر ءتيىستى تالاپقا ساي بولماسا، وندا ەرتەڭ ءبىز ءبىلىمى مەن بىلىكتىلىگى جۇمىس بەرۋشىلەردىڭ سۇرانىسىن قاناعاتتاندىرمايتىن مامانداردى دايارلايمىز. ءبىز جوعارى وقۋ ورىندارىنا ولقىلىقتاردىڭ ورنىن تولتىرۋعا ۋاقىت بەرەمىز، الايدا ولار تۇزەتۋگە اسىقپاي وتىر. وسىعان بايلانىستى ءبىز قاتاڭ شارا قولدانامىز. جوعارى وقۋ ورىندارى وقىتۋ جاعدايىن، ءبىلىم بەرۋ باعدارلامالارىن، سونىمەن قاتار ستۋدەنتتەردىڭ ءتۇرلى ماماندىقتى مەڭگەرۋ داعدىلارىن جاقسارتۋعا جاعداي جاساۋى ءتيىس. ولاي بولماسا، جوعارى وقۋ ورىندارى ديپلومداردى ساپالى ءبىلىم بەرمەي- اق ۇلەستىرەتىن بولادى»، - دەپ تولىقتىردى گۇلزات كوبەنوۆا.

سوڭعى 3 جىلدا جۇمىس بەرۋشىلەردىڭ ج و و- لارداعى ءبىلىم بەرۋ باعدارلامالارىنىڭ ساپاسىن باعالاۋىن تالداۋ ناتيجەسى جۇمىس بەرۋشىلەر اراسىندا مامان دايارلاۋ ساپاسىنا قاناعاتتانۋ كورسەتكىشىنىڭ وسكەنىن كورسەتتى. ۋنيۆەرسيتەتتەردىڭ ءبىلىم بەرۋ باعدارلامالارىنىڭ % 85- ى جۇمىس بەرۋشىلەرمەن كەلىسىلگەن. قابىلدانعان تۇزەتۋلەرگە سايكەس، وقۋ جىلىنىڭ باسىنان باستاپ پراكتيك- ماماندار تارتىلادى. ب ع م تالاپكەرلەرگە، ستۋدەنتتەرگە جانە ولاردىڭ اتا- انالارىنا ۋنيۆەرسيتەت تاڭداعان كەزدە ساپاعا نازار اۋدارۋ قاجەتتىگىن ەسكە سالادى. ج و و رەيتينگىنىڭ ناتيجەلەرىن ق ر ب ع م جانە «اتامەكەن» ق ر ۇ ك پ رەسمي سايتتارىنان بىلۋگە بولادى.