16:01, 17 - اقپان 2022 | GMT +6
مەكتەپتە «ءوزىن ءوزى تانۋ» ءپانى الداعى ۋاقىتتا قالاي وقىتىلادى
نۇر- سۇلتان. قازاقپارات – ق ر ءبىلىم جانە عىلىم مينيسترلىگى «ءوزىن- ءوزى تانۋ» پانىنە قاتىستى مينيسترلىك وكىلدەرىنىڭ كوزقاراسى تۋرالى ءمالىم ەتتى، دەپ حابارلايدى قازاقپارات.
مينيسترلىكتىڭ باسپا ءسوز قىزمەتىنىڭ حابارلاۋىنشا، ءبىلىم جانە عىلىم مينيسترلىگىنە بۇل ءپاندى ءبىلىم باعدارلامالارى تىزىمىنەن شىعارۋ تۋرالى ۇسىنىستار كەلىپ ءتۇسىپ جاتقانى راس. قازىرگى ۋاقىتتا ق ر ب ع م ۇلتتىق ءبىلىم اكادەمياسى اتالعان مىندەتتى ءپاندى مەكتەپتەردە كەلەسى وقۋ جىلىنان باستاپ فاكۋلتاتيۆتىك ساناتقا اۋىستىرۋ بويىنشا جوبا ەنگىزدى. ياعني، قىركۇيەكتەن باستاپ «ءوزىن- ءوزى تانۋ» ءپانىن بۇرىنعىداي 1-11 - سىنىپتار ەمەس، تەك ءبىر سىنىپتا عانا وقۋشىلاردىڭ تاڭداۋى بويىنشا وقىتۋ جوسپارلانىپ جاتىر.
«ءپاندى فاكۋلتاتيۆتىك تىزبەگە اۋىستىرۋ بويىنشا جۇمىس وقۋ باعدارلامالارىن جاڭارتۋ جانە ءبىلىم الۋشىلاردىڭ وقۋ جۇكتەمەسىن ازايتۋ جونىندەگى شارالار شەڭبەرىندە جۇرگىزىلەتىن بولادى»، - دەلىنگەن مينيسترلىكتىڭ حابارلاماسىندا.
