قوعام بىزدەن شىنايى جانە پارمەندى شارالار كۇتىپ وتىر - ءاليحان سمايىلوۆ
بۇل تۋرالى ۇكىمەت وتىرىسىندا ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«قازىرگى جاعدايدا ءبىز جۇدىرىقتاي جۇمىلىپ، ناقتى ناتيجە كورسەتۋىمىز قاجەت. قوعام بىزدەن شىنايى جانە پارمەندى شارالار كۇتىپ وتىر. الدىمىزدا ۇلكەن جۇمىس كۇتىپ تۇر. مەملەكەت باسشىسىنىڭ ءاربىر تاپسىرماسىن جەدەل جانە ءتيىمدى ورىنداۋىمىز قاجەت. ءبىزدىڭ باستى مىندەتىمىز - حالىقتىڭ تابىسىن ارتتىرۋ جانە تۇرمىس ساپاسىن جاقسارتۋ»، - دەدى ءاليحان سمايىلوۆ.
سونىمەن قاتار ۇكىمەت باسشىسى باسەكەگە قابىلەتتى جانە ءارتاراپتاندىرىلعان ەكونوميكانى دامىتۋعا كۇش سالۋ قاجەتتىگىن باسا ايتتى.
«ءاربىر مينيستر مەن اكىم قابىلداناتىن شارالاردىڭ ساپاسى مەن جەدەلدىگى ءۇشىن جەكە جاۋاپتى بولادى»، - دەگەن پرەمەر- مينيستر ورىنباسارلارىنا وزدەرى جەتەكشىلىك ەتەتىن سالالارى جانە مەملەكەتتىك ورگاندار بويىنشا ناقتى ۇيلەستىرۋ مەن باقىلاۋدى قولعا الۋدى تاپسىردى.
