الىبەك قۋانتىروۆ حالىق تابىسىن ارتتىرۋ ءۇشىن نە ىستەلىپ جاتقانىن ايتتى
بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، پرەزيدەنتتىڭ حالىقتىڭ تابىسىن ارتتىرۋ باعدارلاماسىن ازىرلەۋ جونىندەگى تاپسىرماسىن ورىنداۋ اياسىندا ەڭبەك نارىعىنا، ءومىر ءسۇرۋ دەڭگەيى مەن كەدەيلىك كورسەتكىشتەرىنە، حالىقتىڭ كىرىستەرى مەن شىعىستارىنىڭ قۇرىلىمىنا تالداۋ جۇرگىزىلدى. تالداۋ ناتيجەلەرى بويىنشا حالىقتىڭ ءال- اۋقاتىن جاقسارتۋعا كەدەرگى كەلتىرەتىن نەگىزگى سەبەپتەر انىقتالدى.
«انىقتالعان ماسەلەلەردى جويۋ ماقساتىندا باعدارلاما 4 باعىت بويىنشا مىناداي كەشەندى ءىس- شارالاردى ىسكە اسىرۋعا باعىتتالاتىن بولادى: حالىقتىڭ ەڭبەك قىزمەتىنەن تۇسەتىن تابىستارىن ارتتىرۋ؛
كاسىپكەرلىك قىزمەتتەن تۇسەتىن تابىستاردى ارتتىرۋ؛
جوعارى ءونىمدى جۇمىس ورىندارىن قۇرۋ؛
جۇمىس كۇشىنىڭ داعدىلارىن ارتتىرۋ. حالىقتىڭ تابىسىن ارتتىرۋ باعدارلاماسىن ازىرلەۋ اياسىندا ءار ءتۇرلى دەلدالدار مەن مونوپوليالىق وپەراتورلاردىڭ كوميسسيالارى مەن تاريفتەرىن تولەۋ بويىنشا حالىقتىڭ قوسىمشا شىعىستارىن قىسقارتۋ جونىندەگى شارالار پىسىقتالۋدا. بۇگىنگى كۇنى ۇكىمەت كىرمە جولداردى ۇسىنۋ قىزمەتتەرى بويىنشا تاريفتەردى تومەندەتۋ باعىتىندا جەدەل شارالار قابىلدادى. وسىلايشا، كىرمە جولداردىڭ ءىرى تەڭگەرىم ۇستاۋشىسى بولىپ تابىلاتىن «كولىكتىك سەرۆيس ورتالىعى» ا ق ءۇشىن تاريفتەر 92 پايىزعا تومەندەدى»، - دەدى مينيستر.
سونداي- اق، الىبەك قۋانتىروۆتىڭ ايتۋىنشا، پاۆلودار وبلىسىندا كىرمە جولداردى ۇسىنۋ قىزمەتتەرىن كورسەتەتىن «Arman Kala Limited» ج ش س ءۇشىن تاريفتەر 93 پايىز ازايتىلدى. اتالعان ءىس- شارا «بوگاتىر كومىر» ج ش س وندىرەتىن كومىردىڭ قۇنىنا جۇكتەمەنى ازايتۋعا مۇمكىندىك بەرەدى.
«بۇدان باسقا، وسى جىلدىڭ 1-اقپانىنان باستاپ ەلىمىزدىڭ ءبىرقاتار وڭىرلەرىندە كىرمە جولداردى ۇسىنۋ قىزمەتتەرىن جۇزەگە اسىراتىن 21 سۋبەكتىگە تاريفتەر ورتا ەسەپپەن 80 پايىزعا تومەندەدى. بۇل ءىس- شارا ەنەرگەتيكالىق كومىر قۇنىنا جانە الەۋمەتتىك ماڭىزى بار تاۋارلار باعاسىنا تەرىس اسەردى بولدىرماۋعا مۇمكىندىك بەرەدى»، - دەدى ول.
