ەنەرگەتيكا ءمينيسترى: ا ە س سالۋ نەعۇرلىم بولاشاعى بار شەشىم
ق ر ەنەرگەتيكا ءمينيسترى بولات اقشولاقوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
«ءبىز وندىرىلەتىن تابيعي ۋران كولەمى بويىنشا الەمدە ءبىرىنشى ورىندامىز. بىزدە يادرولىق وتىن كومپونەنتتەرى وندىرىلەدى، سونداي-اق ءبىزدىڭ ەلدە ۋراندى يزوتوپتى بايىتۋ بويىنشا قىزمەتتەر قولجەتىمدى. بىلتىر ءۇلبى مەتاللۋرگيا زاۋىتىنىڭ بازاسىندا قىتايدىڭ اتوم ەلەكتر ستانسيالارى ءۇشىن دايىن يادرولىق وتىن شىعاراتىن زاۋىت اشىلدى. يادرولىق وتىن بەلسەندى شىعارىلا باستادى»، - دەگەن ۆەدومستۆو باسشىسى بۇل سالادا قازاقستاننىڭ كادرلىق ساياساتى قالىپتاسقانىن اتادى.
«اتوم ونەركاسىبى مەن عىلىم سالاسىندا بىزدە 24000 عا جۋىق ادام ەڭبەك ەتەدى. قازاقستاننىڭ جوعارى وقۋ ورىندارىندا 2010 -جىلدان باستاپ يادرولىق جانە تەحنيكالىق فيزيكا باعىتتارى بويىنشا 3200 كادر دايارلاندى. قازاقستاننىڭ ۇلتتىق يادرولىق ورتالىعى مەن يادرولىق فيزيكا ينستيتۋتىندا 3 يادرولىق زەرتتەۋ رەاكتورى جۇمىس ىستەيدى. پايدالانۋعا بەرىلگەن ساتتەن باستاپ وسى رەاكتورلاردى ءبىزدىڭ ماماندار تابىستى پايدالانىپ كەلەدى. ال عىلىمي جۇمىستاردىڭ ناتيجەلەرىن الەمدىك قوعامداستىق، سونىڭ ىشىندە ا ە س جوبالاۋ كەزىندە قولدانادى. سونىمەن قاتار، قازاقستان 1973 -جىلدان 1999 -جىلعا دەيىنگى كەزەڭدە ب ن-350 تولىققاندى ونەركاسىپتىك يادرولىق رەاكتورىن پايدالانعانىن جانە ونى پايدالانۋ كەزەڭىندە اۆارياسىز جۇمىس قامتاماسىز ەتىلگەنىن ەسكە سالعىم كەلەدى. بۇل - قازاقستاننىڭ قۇزىرەتى مەن الەۋەتىنىڭ دالەلى» - دەدى مينيستر.
سونداي-اق، ول وتكەن اپتادا رەسەي مەن قازاقستان پرەزيدەنتتەرىنىڭ قاتىسۋىمەن رەسەيلىك جوعارى وقۋ ورىندارىندا وسى سالانىڭ كادرلارىن دايارلاۋ جونىندەگى مەموراندۋمدارعا قول قويىلدى.
«ەلەكتر ەنەرگياسىنىڭ الداعى تاپشىلىعىن، الەمدىك ەكولوگيالىق كۇن تارتىبىنە بايلانىستى كومىر گەنەراتسياسىنا تاۋەلدىلىكتى تومەندەتۋ قاجەتتىلىگىن، وندىرىستىك قۋاتتاردىڭ توزۋىن، سونداي- اق قازاقستاننىڭ اتوم ەنەرگەتيكاسىن دامىتۋداعى زور الەۋەتىن ەسكەرە وتىرىپ، ەلىمىزدە ا ە س سالۋ نەعۇرلىم پەرسپەكتيۆتى(كەلەشەك، بولاشاق) شەشىم بولىپ كورىنەدى»، - دەدى بولات اقشولاقوۆ.
اۆتور: ەسىمجان ناقتىباي
