ەرلان قارين گەرمانيا سىرتقى ىستەر مينيسترلىگىنىڭ ۋاكىلىمەن كەزدەستى
كەزدەسۋ بارىسىندا ەرلان قارين مەن ماتتياس ليۋتتەنبەرگ قازاقستان مەن گەرمانيا اراسىنداعى ارىپتەستىكتىڭ قازىرگى احۋالى مەن دامۋ پەرسپەكتيۆالارىن تالقىلادى.
مەملەكەتتىك حاتشى قازاقستان گەرمانيانى ەۋروپا مەن ەۋروپا وداعىنداعى ماڭىزدى ستراتەگيالىق ارىپتەسى سانايتىنىن، ەكى ەل اراسىنداعى كوپجوسپارلى ىقپالداستىقتى ودان ءارى دامىتۋعا بەيىلدى ەكەنىن ايتتى. سونىمەن قاتار، ەرلان قارين ەلىمىزدىڭ ساياسي جاڭعىرۋىنا قاتىستى جوسپارلار مەن مەملەكەت باسشىسىنىڭ جاڭا ەكونوميكالىق باستامالارىن جۇزەگە اسىرۋ جايىندا مالىمەت بەردى.
ءوز كەزەگىندە، ماتتياس ليۋتتەنبەرگ مەملەكەتتىك حاتشىعا كەزدەسۋگە مۇمكىندىك جاساعانى ءۇشىن العىس ايتىپ، قازاقستان مەن گەرمانيا اراسىنداعى ساياسي، ساۋدا-ەكونوميكالىق جانە مادەني-گۋمانيتارلىق بايلانىستاردى ىلگەرىلەتۋدىڭ الەۋەتى زور ەكەنىن اتاپ ءوتتى.
