قازاقستان شەكاراسىنان ءوتۋ ءتارتىبى وزگەردى

نۇر-سۇلتان. قازاقپارات - قازاقستاندا كارانتين شەكتەۋلەرى كەزەڭىندە مەملەكەتتىك شەكارانى كەسىپ ءوتۋ ءتارتىبى وزگەردى.

ناقتىراق ايتساق، ازاماتتار قۇرلىقتاعى شەكارادان وتكىزۋ بەكەتتەرىن 15 كۇندە ءبىر رەت كەسىپ وتە الاتىن بولدى، دەپ حابارلايدى قازاقپارات ءتىلشىسى.

قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ اقپاراتى بويىنشا، ەندى قازاقستاندىقتارعا قۇرلىقتاعى شەكارادان وتكىزۋ بەكەتتەرى ارقىلى شەكارادان 15 تاۋلىكتە ءبىر رەت قۇرلىقتاعى وتكىزۋ پۋنكتتەرى ارقىلى وتۋگە رۇقسات ەتىلگەن. بۇل ەرەجە قازاقستاننىڭ مىنا ازاماتتارىنا قولدانىلمايدى:

- ەلدىڭ ديپلوماتيالىق قىزمەتىنىڭ پەرسونالى جانە ولاردىڭ وتباسى مۇشەلەرى (جۇبايلارى، اتا- انالارى جانە بالالارى)؛

- شەت مەملەكەتتەردىڭ شاقىرۋى جانە قازاقستان ۇكىمەتىنىڭ كەلىسىمى بويىنشا شەتەلگە جىبەرىلەتىن ق ر رەسمي دەلەگاتسيالارىنىڭ مۇشەلەرى؛

- شەت مەملەكەتتەردىڭ اۋماعىندا ورنالاسقان ق ر مۇشەسى بولىپ تابىلاتىن حالىقارالىق ۇيىمداردىڭ قىزمەتكەرلەرى مەن ولاردىڭ وتباسى مۇشەلەرى (جۇبايلارى، اتا- انالارى جانە بالالارى)؛

- ق ر ۇكىمەتارالىق فەلدەگەرلىك بايلانىس قىزمەتكەرلەرى؛

- پويىز جانە لوكوموتيۆ بريگادالارىنىڭ، اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىر جول تاسىمالداۋ پروتسەستەرىنە، جۇكتەردى، پوەزداردى قابىلداۋ، تاپسىرۋ جانە ولاردى الىپ ءجۇرۋ جونىندەگى وپەراتسيالارعا قاتىساتىن ادامدار؛

- ق ر اۋماعىنداعى شەتەلدىك ترانسشەكارالىق قۇرىلىستارعا قىزمەت كورسەتۋشى پەرسونال جانە شەكتەس مەملەكەتتەر اۋماعىنداعى قازاقستاندىق ترانسشەكارالىق قۇرىلىستارعا قىزمەت كورسەتۋشى پەرسونال؛

- شەتەلگە ەمدەلۋگە شىعاتىندارعا دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتكەن كەزدە (كەمىندە ەكى ەرەسەك ادامنىڭ ىلەسىپ جۇرۋىمەن)؛

- وتباسى مۇشەلەرى مەن جاقىن تۋىستارىن جەرلەۋگە بارا جاتقان ازاماتتار، سونداي-اق ولارمەن بىرگە كەلە جاتقان وزدەرىنىڭ جۇبايلارى مەن كامەلەتكە تولماعان بالالارىن جانە قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن جەرلەۋ ورنىنا بىرگە الىپ جۇرەتىن ادامدار؛

- اۋىر ناۋقاس وتباسى مۇشەلەرى مەن جاقىن تۋىستارىنەمدەۋگە اپارا جاتقان ادامدار، سونداي-اق ولارمەن بىرگە جۇرەتىن ەرلى- زايىپتىلار مەن كامەلەتكە تولماعان بالالاردى باعىپ- كۇتۋگە باراتىن ادامدار؛

- ەڭبەك قىزمەتىن جۇزەگە اسىرۋ ماقساتىندا شەتەلگە شىعاتىندار؛

- مەملەكەتتىك شەكارادان وتۋگە جانە ەۆاكۋاتسيالىق رەيستەرگە رۇقسات ەتىلگەن ادامداردى تاسىمالداۋدى جۇزەگە اسىراتىن جۇرگىزۋشىلەر؛

- حالىقارالىق جۇك تاسىمالدارىن (ءبىر جۇك كولىك قۇرالىنا ەكى جۇرگىزۋشىدەن ارتىق ەمەس)، جاسالعان كەلىسىمشارتتار شەڭبەرىندە اۆتوموبيل جانە ارنايى كولىك جەتكىزۋدى جۇزەگە اسىراتىن جۇرگىزۋشىلەر مەن اۋىل شارۋاشىلىعى قىزمەتىن جۇزەگە اسىراتىن جۇك يەلەرى- قۇجاتتاردى ۇسىنعان كەزدە؛

- ەكستراديتسيالاۋ تارتىبىمەن قابىلداناتىن ىزدەۋدەگى جانە سوتتالعان ق ر ازاماتتار؛

- تەڭىز كەمەلەرى ەكيپاجدارىنىڭ مۇشەلەرى؛

- قازاقستاننان باسقا مەملەكەتكە تۇراقتى تۇرۋعا كەتەتىن نەمەسە يمميگراتسيالىق ۆيزالارى بار ازاماتتار. بۇعان دەيىن قازاقستاندىقتارعا قۇرلىقتاعى وتكىزۋ پۋنكتتەرى ارقىلى شەكارادان 30 كۇندە ءبىر رەت وتۋگە رۇقسات ەتبەرىلىپ كەلگەن بولاتىن.

ايتا كەتەيىك، قازاقستان رەسپۋبليكاسىنىڭ ازاماتتارى ءۇشىن اۆتووتپە جولدارى ارقىلى شەت مەملەكەتتەرگە شىعۋ ءۇشىن شەكتەۋ مەرزىمى ەكى ەسە ازايتۋ تۋرالى شەشىم قابىلدانعان بولاتىن.