قازاقستان وزبەكستانعا ازىق- تۇلىك جەتكىزۋدە كوش باستاپ تۇر

تاشكەنت. قازاقپارات - اعىمداعى جىلدىڭ قورىتىندىسى بويىنشا قازاقستان وزبەكستاندى ازىق- تۇلىكپەن قامتاماسىز ەتۋ جاعىنان كوش باستاپ تۇر، دەپ حابارلايدى قازاقپارات.

وزبەكستان رەسپۋبليكاسى مەملەكەتتىك ستاتيستيكا كوميتەتىنىڭ مالىمەتى بويىنشا، 2021 -جىلدىڭ قورىتىندىسىنا سايكەس، ازىق-تۇلىك يمپورتى نەگىزىنەن قازاقستان - 34,1 پايىز، رەسەي فەدەراتسياسى - 27,3 پايىز، برازيليا - 11,2 پايىز، بەلارۋس رەسپۋبليكاسى - 3,6، جانە ۋكراينا 2,2 پايىز سياقتى ەلدەردەن جۇزەگە اسىرىلعان.

«2020 -جىلى قازاقستاننان ازىق-تۇلىك تاۋارلارى يمپورتىنىڭ كولەمى 867,3 ميلليون ا ق ش دوللارىن قۇراسا، 2021 -جىلى بۇل كورسەتكىش 996,5 ميلليون ا ق ش دوللارىنا نەمەسە 129,2 ميلليون دوللارعا ءوستى. قازاقستاننىڭ ازىق-تۇلىك تاۋارلارى يمپورتىنىڭ جالپى كولەمىندەگى ۇلەسى 34,1 پايىزدى قۇرادى.

وزبەكستان ۆەدومستۆونىڭ مالىمەتىنشە، نەگىزگى سۇرانىس قازاقستاندىق جارما - 65,1 پايىز (يمپورتتىڭ جالپى كولەمىنەن)، ۇن - 9,3 پايىز، وسىمدىك مايىنا - 8 پايىز بولىپ تۇر.

اۆتور: زارينا تۋعانبايەۆا