كەلەسى اپتادان باستاپ قازاقستانداعى بۇكىل وقۋشىلار مەكتەپكە بارىپ وقيدى

نۇر- سۇلتان. قازاقپارات - كەلەسى اپتادان باستاپ مەكتەپتەردىڭ ءبارى ءداستۇرلى رەجيمدە جۇمىس ىستەيدى.

بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ۇكىمەتتىڭ كەڭەيتىلگەن وتىرىسىندا ءمالىم ەتتى، دەپ حابارلايدى قازاقپارات ءتىلشىسى.

«وزىڭىزگە بەلگىلى، وميكرونعا بايلانىستى ەپيدەميولوگيالىق احۋال كۇرت ناشارلاعان بولاتىن. قازىر جاعداي باقىلاۋدا دەپ ايتسام، ارتىق ەمەس. تاۋلىگىنە 16 مىڭنان 2000-عا دەيىن ازايىپ وتىر. سوندىقتان مۇنىڭ ءبارى - جالپى جاعدايدىڭ دۇرىستالىپ كەلە جاتقانىنىڭ ناقتى كورىنىسى دەپ ايتۋعا بولادى»، - دەگەن ۆيتسە- پرەمەر بيزنەسكە جاعداي جاساۋ ءۇشىن شەكتەۋلەر ءتارتىبى وزگەرتىلىپ جاتقانىن ەسكە سالدى.

«وسىعان بايلانىستى 24- قاڭتاردا ءوزىڭىز بەرگەن بيزنەسكە جاعداي جاساۋ تۋرالى تاپسىرماڭىزعا بايلانىستى ولارعا جول اشۋ ءۇشىن نەگىزگى كارانتين شارالارى الىنىپ تاستالدى. سونىمەن قاتار كەشە عانا قازاقستاندىق جانە شەتەلدىك ازاماتتاردىڭ ەلگە كىرىپ- شىعۋىن جەڭىلدەتۋ ءۇشىن ناقتى شارالار قابىلداندى. كەلەسى دۇيسەنبى، 14- اقپاننان باستاپ بارلىق مەكتەپتەردە وقۋدى وففلاين رەجيمگە اۋىستىرۋدى جوسپارلاپ وتىرمىز»، - دەدى ەرالى توعجانوۆ.

اۆتور: ەسىمجان ناقتىباي