قۇرمەتتى دەمالىستامىن، ەشقايدا كەتكەن جوقپىن - نۇرسۇلتان نازاربايەۆ
«ماعان كەلىپ جاتقان كوپتەگەن وتىنىشتەرگە جاۋاپ بەرە وتىرىپ جانە بۇقارالىق اقپارات قۇرالدارىنداعى جاريالانىمدارعا بايلانىستى ايتارىم مىناۋ. مەن 2019-جىلى پرەزيدەنت وكىلەتتىگىن قاسىم-جومارت توقايەۆقا بەرگەنىمدى، سول ۋاقىتتان بەرى زەينەتكەر ەكەنىمدى، قازىرگى ۋاقىتتا قازاقستاننىڭ استاناسىندا قۇرمەتتى دەمالىستا ەكەنىمدى جانە ەشقايدا كەتپەگەنىمدى حابارلايمىن»، - دەدى ول حالىققا جاساعان بەينە ۇندەۋىندە.
ەلباسى قاۋىپسىزدىك كەڭەسىنىڭ تىزگىنى پرەزيدەنت قاسىم-جومارت توقايەۆتىڭ قولىندا ەكەنىن ەسكە سالادى.
«پرەزيدەنت قاسىم-جومارت توقايەۆ تولىق بيلىككە يە. ول قاۋىپسىزدىك كەڭەسىنىڭ ءتوراعاسى. جاقىن ارادا پرەزيدەنت «Nur Otan» پارتياسىنىڭ ءتوراعاسى بولىپ سايلانادى. سوندىقتان ەليتانىڭ ىشىندە ەشقانداي جانجال نەمەسە قاراما-قايشىلىق جوق. بۇل توڭىرەكتەگى قاۋەسەتتەر مۇلدەم نەگىزسىز»، - دەدى نۇرسۇلتان نازاربايەۆ.