تۋريستەر ءۇشىن ەڭ قاۋىپتى ەلدەر انىقتالدى
رەيتينگ جاساۋ كەزىندە ەلدەر تومەن تاۋەكەلدەن ەكسترەمالدى تاۋەكەلگە دەيىن باعالانادى. بۇل رەتتە ەسكەرىلەتىن قاۋىپ- قاتەرلەرگە ساياسي زورلىق- زومبىلىق، الەۋمەتتىك تولقۋلار، دەنساۋلىق ساقتاۋ جاعدايى مەن پاندەميانىڭ سالدارى، سونداي- اق ۇساق قىلمىس جاعدايى جاتادى.
سونىمەن قاتار، سوڭعى جىلدارى جىل سايىنعى قاۋىپ- قاتەردى باعالاۋ «پاندەميا» قاۋپىن عانا ەمەس، سونداي- اق شەكتەۋلەرگە بايلانىستى ساپارلارداعى ساتسىزدىكتەرى مەن پسيحيكالىق دەنساۋلىعىن دا قامتيدى.
«ەكسترەمال قاۋىپتى» ەلدەردىڭ ءتىزىمىن اۋعانستان باستادى. وندا «مەملەكەتتىك باقىلاۋ مەن قۇقىقتىق ءتارتىپتىڭ دەڭگەيى تومەن»، ال دەنساۋلىق ساقتاۋ «ءىس جۇزىندە جوق» دەۋگە بولادى. سونداي- اق، «ەكسترەمالداردىڭ» بەستىگىندە سيريا، ليۆيا، ورتالىق افريكا رەسپۋبليكاسى جانە يراك بار.
قاراما- قارسى رەيتينگتى ەۋروپا، دالىرەك ايتقاندا سكانديناۆيا ەلدەرى يەمدەندى. ولاردىڭ ىشىندەگى ەڭ قاۋىپسىزى نورۆەگيا دەپ اتالدى، سودان كەيىن فينليانديا، شۆەيتساريا، دانيا جانە ليۋكسەمبۋرگ تۇر.
